लन्डन । बेलायतको संसद भवन बाहिर वेष्टमिनिस्टरमा एउटा कार सुरक्षा घेरा (ब्यारियर) मा ठोक्किंदा कयौं यात्रु घाइते भएका छन् ।
मंगलबार बिहान साढे ७ बजे उक्त घट्ना भएको हो । स्कटल्याण्ड यार्डले एकजना व्यक्तिलाई पक्राउ गरिएको जनाएको छ । स्कटल्याण्ड यार्डले घट्ना आतंकवादी हो होइन अहिले नै भन्न नसकिने बताएको छ । प्रत्यक्षदर्शीहरुले जानी जानी कार ठोक्काएको जनाएका छन् ।
बीबीसीका अनुसार घट्ना लगत्तै सशस्त्र प्रहरी, एम्बुलेन्स र अग्नी नियन्त्रक घट्नास्थल पुगेका थिए । कार ठोक्किंदा साइकल यात्रुहरु घाइते भएका तर खतरामुक्त रहेको जनाइएको छ ।
घट्नापछि वेस्टमिनिस्टर रेल स्टेशन बन्द भएको छ भने नजिकको मिलब्यांक, पार्लियामेन्ट स्क्वायर र भिक्टोरिया टावर गार्डेन्स सडक बन्द गरिएको छ ।
