नेपालीले हेज क्यानल सरसफाइ गरे

लन्डन । हिलिङडन गोर्खा नेप्लिज कम्युनिटीले हिलिङडन काउन्सिलसंगको सहकार्यमा शनिबार हेजस्थित क्यानल सरसफाइ गरेको छ ।

कम्युनिटीका संस्थापक सूर्य इम्सोहाङ लिम्बुको नेतृत्वमा अध्यक्ष तेज पुन, उपाध्यक्ष अन्जना गुरुङ, सल्लाहकार भूपाध्वज आले, कोषाध्यक्ष शमशेर लिम्बु, ज्ञान थापासहित करिब तीन दर्जन पदाधिकारी तथा सदस्यहरुले क्यानल सफाइ गरेका हुन् ।

निकै लामो दूरीमा रहेको क्यानल दांया बायां गरि झण्डै ७ किलोमिटरसम्म सफाइ गरिएको थियो ।

काउन्सिलले अरु कम्युनिटीलाई आग्रह गरेपनि नेपाली समुदायले मात्र साथ दिएको उपाध्यक्ष अन्जना गुरुङले जनाइन् । नेपाली समुदायको स्वयंसेवाका कारण काउन्सिल पदाधिकारी आभारी थिए । हिलिङडन बरोका हेज पार्टनरसीप डेविड बरोले हिलिङडनवासी नेपालीको खुलेर प्रशंसा गरे । वर्षको दुई पटक यस्तो सरसफाइ गर्ने गरिएकामा नेपाली कम्युनिटीले सधैं सहभागिता जनाउंदै आएको छ ।

हिलिङडन काउन्सिलसंग नेपाली कम्युनिटीको विशेष सम्वन्ध छ । काउन्सिलले कम्युनिटीलाई आफ्नै ‘सिमेट्री’ प्रवन्ध गरिदिएको छ ।

प्रतिक्रिया

सम्बन्धित सामाग्री