बेलायतका नेपाली चिकित्सक डा. केसीको समर्थनमा

लन्डन । नेपलिज डक्टर्स असोसिएसन यूकेले चिकित्सा शिक्षा सुधारको माग गर्दै २५ दिन देखि अनशनरत चिकित्सक डा. गोविन्द केसीको समर्थनमा ऐक्यवद्धता जाहेर गरेको छ । असोसिएसनले एक विज्ञप्ति जारी गर्दै नेपाल सरकारलाई केसीको स्वास्थ्यप्रति गम्भीर हुन र समस्या यथाशक्य छिटो समाधान गर्न पनि आग्रह गरेको छ ।

नेपालमा ग्रामीण क्षेत्रमा स्वास्थ्य सेवासंगै स्वास्थ्य शिक्षा र तालिम सुधारका लागि नेपलिज मेडिकल असोसिएसनसंग आफ्नो ऐक्यवद्धता रहेको समेत डक्टर्स असोसिएसनले जनाएको छ ।

चिकित्सा क्षेत्रको सुधारका लागि पटकपटक अनशन बस्दै आएका डा केसीको स्वास्थ्य अवस्था नाजुक बन्दै गएको छ ।