बुधबार, मंसिर १७ २०७७ | Wed, December 02, 2020
नेपालको समय: ०६:०० | UK Time: 00:15

अन्तर्राष्ट्रिय तेक्वान्दो प्रशिक्षक मल्ल सम्मानित

वीनेपाली
२०७५ साउन ६ गते १०:५१

लन्डन । अन्तर्राष्ट्रिय तेक्वान्दो प्रशिक्षक एवं रेफ्री रवीन्द्र मल्ल लन्डनमा सम्मानित भएका छन् । नेपाल राष्ट्रिय तथा 
अन्तर्राष्ट्रिय खेलाडी संघ बेलायतले तेक्वान्दोका छैटौं डान मल्ललाई एक कार्यक्रमबीच सम्मान गरेको हो ।

मल्ल गत १४ देखि १५ जुलाईसम्म इष्ट लन्डनमा भएको ब्रिटिश तेक्वान्दो इन्टरनेशनल पुम्से च्याम्पियनसीप २०१८ मा निर्णायकको जिम्मेवारीमा लन्डन आएका थिए ।

सम्मानपछि मल्लले आयोजकप्रति आभार व्यक्त गर्दै 
अन्तर्राष्ट्रिय प्रतियोगिताहरुमा नेपाली खेलाडीको उपस्थिति उल्लेख्य हुन नसकेपनि आफूले निर्णायकको भूमिकामा देशलाई चिनाइरहेको बताए । राज्यले खेलाडीलाई हौसला र उचित वातावरण सृजना गरे अन्तर्राष्ट्रिय प्रतियोगिताहरुमा नेपालको सहभागिता बढ्ने उनको धारणा थियो ।

संघका अध्यक्ष सिद्धार्थविक्रम क्षेत्रीले नेपालको चिनारी राख्ने खेलाडी र अफिसियललाई सबै क्षेत्रबाट हौसला प्रदान गर्न आवश्यक रहेको औंल्याए ।

कार्यक्रममा स्वागत मन्तव्य दिंदै संघका उपाध्यक्ष सुरज कार्कीले तेक्वान्दो प्रशिक्षक एवं रेफ्री मल्लको व्यक्तित्वबारे अवगत गराएका थिए ।

जापानमा अप्रिल तेश्रो साता भएको ओपन तेक्वान्दो च्याम्पियनसीपमा निर्णायक बनेका उनी छिट्टै दक्षिण कोरियासमेत जाने तयारीमा छन् ।

प्रतिक्रिया

सम्बन्धित सामाग्री

फेसबुक