बेलायतमा भानु जयन्ती र गीत लेखन गोष्ठी

लन्डन । विश्व नेपाली साहित्य महासंघ, साउथ युकेले गत ८ जुलाई २०१८ का दिन गीत लेखन गोष्ठी गरेको छ ।

कार्यक्रममा विश्व नेपाली साहित्य सम्मेलनका निम्ति आमन्त्रित नेपालबाट आएका गीतकार भावेस भुमरीले गीत लेखनबारे प्रशिक्षण दिए ।

आगामी १२ अगष्टका दिन क्यान्टवरी युनिभर्सिटीमा हुने 
दोश्रो विश्व नेपाली साहित्य सम्मेलनस्थल नजिक प्रि-सम्मेलन स्वरुप गीत लेखन गोष्ठी तथा साहित्य महासंघ स्थापनाको ८ औं वर्षगाँठ साथै २०५ औं भानु जयन्ती मनाइएको हो ।

आदिकवि भानभक्तको बारेमा सन्ध्या गुरुङ र लाहाङ चेम्जोङले मन्तव्य दिए भने विश्व सम्मेलनको बारेमा सम्मेलन सहसंयोजक विजय हितानले आयोजक तथा ब्यवस्थापक समिति विस्तार गरि ५७ बनाइएको जानकारी दिए ।

साहित्य महासंघ केन्द्रका अध्यक्ष विश्वासदीप तिगेलाले विश्व सम्मेलनका निम्ति जोडतोडले देश विदेशमा तयारी भइरहेको जनाउंदै उक्त सम्मेलनमा सबैलाई सहयोग गर्न आव्हान गरे ।

प्रशिक्षकको रुपमा रहेका भावेस भुमरीको जीवनीबारे अमित थेवेले प्रकाश पारेका थिए भने साहित्य महासंघ साउथ युकेका अध्यक्ष करिष्मा घमको सभापतित्वमा गोष्ठी सम्पन्न भएको थियो । कार्यक्रम महासचिव थीर थापाले सञ्चालन गरेका थिए ।