मंगलबार, मंसिर ९ २०७७ | Tue, November 24, 2020
नेपालको समय: ११:५७ | UK Time: 06:12

धादिङका पहिरो पीडितलाई सहायता

वीनेपाली
२०७५ असार २४ गते २:५७

लन्डन । धादिङ नुवाकोट समाज यूके धादिङका पहिरो पीडितको सहयोगार्थ आर्थिक संकलनमा जुटेको छ । पहिरो र बाढीले पुरयाएको जनधनको क्षति सुने लगत्तै विगत ११ वर्ष देखि विभिन्न सामाजिक क्रियाकलापमा सक्रिय संस्था धादिङ नुवाकोट समाज यूकेले आपत्कालिन बैठक बसी तत्काल सहयोगका लागि आव्हान गरेको थियो । आव्हानको केही दिनमा नै करिब ३ लाख रुपैंया संकलन गरी नेपाल जांदै गरेका कार्यसमिति सदस्य सूर्य थोक्राले पीडित परिवारसंग भेटी सहयोग गरेको समाजका अध्यक्ष सीबी तामाङले बताए ।

‘प्रवासमा बसेर जसरी हामी नेपालमा यस्तो दुःखमा तत्काल जे जति सकिन्छ, सहयोगका लागि आतुर हुन्छौं’- तामाङले भने । राज्य र जनप्रतिनिधिहरुको जवाफदेहीता यो भन्दा ज्यादा हुनुपर्ने 
बताउंछन् समाजका पूर्व महासचिव हरिसी वाइबा । उनको माग छ- ‘रकम सानो होला, छोटो समय र सदस्यहरुको पनि विविध परिस्थितिमा हामीले सानै रकम पठाएका छौं तर यो राज्य र जनप्रतिनिधिलाई जवाफदेही बनाउन र तत्कालै थोरै भए पनि राहत पुगोस् भन्नाका लागि सरकार र गाउंपालिकाले पीडित परिवारको यथोचित ब्यवस्थापनको जिम्मेवारी लिनुपर्छ ।’

असार १३ र १४ गतेको अविरल वर्षाका कारण धादिङ जिल्लाको उत्तरी भेगमा पर्ने सत्यदेबी र मार्पाकमा पहिरो गइ ७ घर पुरिएको छ भने ५ जनाको ज्यान गएको बताइएको छ । २ जना बेपत्ता छन् । खनियावास गाउंपालिका ५ साईस्वांरामा गोले जेठा भनिने राजु गोलेको घर पहिरोले बगाउंदा गोलेकी ३६ वर्षीया श्रीमती बसोधा गुरुङ, १० वर्षीया छोरी लक्ष्मी गुरुङ र ५ वर्षीया सरस्वती गुरुङको पहिरोमा पुरिइ मृत्यु भएको थियो ।

त्यस्तै सोही गाउंपालिका चिउरीखर्कमा गएको पहिरोमा शम्सेर घले र कोप्ची घले बेपत्ता भए भने नेत्रावती डपजोङ गाउंपालिका मार्पाकमा पांच घर बगाएको खवर छ ।

प्रतिक्रिया

सम्बन्धित सामाग्री

फेसबुक