लन्डन । हाल लन्डनमा रहेकी नेपालकी वरिष्ठ चित्रकार श्रीमति सम्झना राजभण्डारी शनिबार लन्डनका नेपाली बालबालिकासंग रमाइन् । उनले बन्टोकमा सञ्चालित नेपाली कक्षाका बालबालिकालाई पेन्टिङ क्लास लिएर चित्रकलाबारे सिकाएको नेपाली भाषा तथा सांस्कृतिक केन्द्र बन्टओक, लन्डनका अध्यक्ष सुमन प्रधानले जनाए । उनले उक्त कक्षाबाट बालबालिकाले चित्रकारिताका विभिन्न आयामबारे सिक्ने मौका पाएको
बताउंदै चित्रकार राजभण्डारीप्रति आभार व्यक्त गरे ।
उक्त अवसरमा नेपाली सेनाका सहायक रथी निरन्जन श्रेष्ठलाई सम्मान गरिएको थियो ।
नेपाली भाषा तथा सांस्कृतिक केन्द्रले प्रत्येक शनिबार बन्टोकमा बेलायतमै जन्मिएका नेपाली बालबालिकालाई नेपाली भाषा कक्षाको व्यवस्थापन गर्दै आएको छ ।
