ग्रेटर रसमोर नेपाली कम्युनिटीद्वारा आयोजित भिक्टोरिया डे ९ जुनमा

लन्डन । ग्रेटर रसमोर नेपाली कम्युनिटीले ९ जुन २०१८ शनिबारको दिन बेलायतकी महारानी एलिजाबेथ द्वितीयाको जन्म दिन (भिक्टोरिया डे) मनाउने भएको छ ।

कम्युनिटीको सक्रिय पहलमा स्थानिय काउन्सिल एवं ब्रिटिश समुदायसंग प्रत्यक्ष रुपमा साझेदारीसहित सबैजसो नेपाली सम्बद्ध संघ संस्थाको सहभागितामा भिक्टोरिया डे मनाइने अध्यक्ष जीव बेलबासेले बताए ।

उपाध्यक्ष नेम थापा संयोजक रहेको उक्त कार्यक्रममा नौमती बाजाको रौनक, नेपाली नरनारीहरुको नाच, विभिन्न धर्म, जाति एवं संस्कार सम्वद्ध संस्कृति झल्कने पहिरनसहित, करिब दुईसयभन्दा बढी परेडमा र करिब तीन हजारभन्दा बढी नेपाली समुदायको सहभागिता रहने बताइएको छ ।

गत वर्ष झैं यस वर्ष पनि कार्यक्रममा नेपाली संघसंस्थाको आ आफ्नो संस्कार झल्कने पोशाकसहित उल्लेख्य सहभागिता रहने वरिष्ठ उपाध्यक्ष राम धन राईले बताए ।

बिहान ११.०० देखि सुरु हुने भएपनि कार्यक्रमको परेड तयारीका लागि १० बजे नै प्रिन्सेस हल कार पार्कमा उपस्थित भई दिन परेड संयोजक बीर बलालले अनुरोध गरेका छन् ।

प्रतिक्रिया

सम्बन्धित सामाग्री