बुधबार, मंसिर १० २०७७ | Wed, November 25, 2020
नेपालको समय: ०८:१७ | UK Time: 02:32

नेकपा गठनपछि प्रवासका संगठन पनि एकताको गृहकार्यमा

वीनेपाली
२०७५ जेठ ७ गते २३:३२

मञ्चका अध्यक्ष राजेन्द्र पुडासैनी, तस्वीर शिव भन्डारी

लन्डन । नेपालमा गत साता एमाले र माओवादी केन्द्रबीच एकता भई नेपाल कम्युनिष्ट पार्टी गठन भएपछि प्रवासस्थित संगठनहरु पनि एकताको तयारीमा जुटेका छन् । बेलायतस्थित प्रवासी नेपाली मञ्चले एकताका लागि कार्यदल निर्माण गरेको छ ।

लन्डनमा हालै सम्पन्न बैठकले मञ्चका अध्यक्ष राजेन्द्र पुडासैनीको अध्यक्षतामा गठन गरेको कार्यदलमा महासचिव विजय विक्रम लिङदेन र मञ्चका संगठन विभाग प्रमुख होम निरौला छन् । उक्त कार्यदलमा सदस्यहरु आवश्यकता अनुसार थप गरिने महासचिव लिङदेनले बताए । उनका अनुसार एकता प्रक्रिया अघि बढाउन पार्टी केन्द्रको निर्देशन पर्खिइएको छ । गत जेठ ३ गते दुई ठूला कम्युनिष्ट पार्टीबीच एकीकरण भई नेपाल कम्युनिष्ट पार्टी बनेको थियो ।

यसैबीच, प्रवासी नेपाली मञ्चका उपाध्यक्ष कुमार केसीका अनुसार रेडिङ इलाका कमिटीले केक काटेर पार्टी एकताको स्वागत गरेको छ । कमिटी अध्यक्ष प्रतिमा केसी, पूर्व अध्यक्षद्वय अर्जुन बस्नेत र कृष्ण रेग्मीले संयुक्त रुपमा केक काटेर खुसी साटासाट गरेका हुन् ।

इलाका स्तरमा एकताका लागि छलफल अघि बढाउन रेडिङ कमिटीले अध्यक्ष केसीको संयोजकत्वमा डिल्ली घिमिरे, यादव श्रेष्ठ, भीमसेन खड्का र करण गुरुङ रहेको पांच सदस्यीय कमिटी समेत गठन गरेको छ ।

प्रतिक्रिया

सम्बन्धित सामाग्री

फेसबुक