बेक्स्ली नेपाली समाजमा नयां नेतृत्व

लन्डन । बेक्स्ली नेपाली समाज यूकेमा नयां नेतृत्व चयन भएको छ । मे ६ ,२०१८ मा फाल्कोनवुड कम्युनिटी सेन्टरमा सम्पन्न साधारणसभाले विजय गुरुङको अक्ष्यक्षतामा १७ सदस्यीय नयां नेतृत्व चयन गरेको हो ।

निर्वाचन संयोजक दिपक गौतमले निर्वाचन घोषणा 
गर्दै अध्यक्षमा विजय गुरुङ, तीनजना उपाध्यक्षहरुमा श्रीमति उमा गुरुङ, श्रीप्रसाद गुरुङ र श्रीमती बिन्दु गुरुङ, महासचिवमा हरिश ज्ञवाली, सचिव केदार थपलिया, कोषाध्यक्ष सन्जिव सुवेदी र सहकोषाध्यक्ष कमल गुरुङ चयन भएको जानकारी दिए ।

त्यसैगरि सदस्यहरुमा श्रीमती विमला शर्मा (धरेल), श्रीमति सुष्मा ढुंगाना, श्रीमति एलिना श्रेष्ठ, टेक 
बहादुर थापा, दीपेन्द्र सिटौला, हिमाल गुरुङ, होमनाथ ज्ञवाली, पंकज पौडेल र प्रकाश गुरुङ सहित 
१७ जना सबै निर्विरोध निर्वाचित भएको जानकारी गराएका थिए ।

करिव ८० सदस्य उपस्थित उक्त सभामा पहिलो सत्रको अध्यक्षता समाजका अध्यक्ष केशबहादुर गुरुङले गरेका थिए । सभामा स्वागत भाषण उपाध्यक्ष शिवराम गुरुङ र कार्यक्रम सञ्चालन महासचिव आनन्द धरेलले गरेका थिए ।

पहिलो सत्रमा विधान संयोजक दिपक गौतमले पेश गरेको विधान, वार्षिक कार्यक्रम र कोषाध्यक्ष चन्द्रवीर गुरुङले पेस गरेको आर्थिक प्रतिवेदन पारित गरिएको थियो ।

महासचिव आनन्द धरेलको प्रतिवेदन पारित गरेर अध्यक्ष केशबहादुर गुरुङले आफ्नो मन्तब्य दिंदै पहिलो सत्र समापन गरेका थिए ।

पहिलो सत्रमा १७० जना आजीवन सदस्यलाई प्रमाणपत्र वितरण गरियो ।

दोश्रो सत्रको कार्यक्रम निर्वाचन संयोजक दिपक 
गौतम र सदस्यद्वय रोशन गुरुङ र बजिन्द्र मल्लले सञ्चालन गरेका थिए ।

संस्थाको तर्फबाट अध्यक्ष केशबहादुर गुरुङ र महासचिव आनन्द धरेलले निर्वाचित सम्पूर्ण सदस्यलाई खादा लगाएर वधाई दिए भने सम्पूर्ण सदस्यहरुको तर्फबाट श्रीमती पार्वती गुरुङले पुरानो कार्यसमितिलाई खादा लगाएर सफल कार्यकालका लागि वधाई तथा शुभकामना दिएकी थिइन् ।