लन्डन । लन्डनस्थित एकजना एनआरएन अभियन्ता कृष्ण तिमल्सेना गैर आवासीय नेपाली संघ (एनआरएनए) को नीति निर्माण सम्बन्धि एक उच्चस्तरिय समितिमा मनोनित भएका छन् ।
समितिका संयोजक तथा संघका महासचिव बद्री केसीको संयोजकत्वमा गठित समितिमा बेलायतको तर्फबाट तिमल्सेना मात्र परेका हुन् । यसअघि उनलाई संघको लगानी सम्बन्धि समितिको समेत जिम्मेवारी दिइएको थियो ।
समितिको सल्लाहकारमा एनआरएनए पूर्व अध्यक्ष जीवा लामिछाने, डा. हेमराज शर्मा, डा. गणेश गुरुङ, कुलचन्द्र गौतम र नरेश कोइराला छन् ।
संघको अल्पकालिन तथा दीर्घकालिन योजना तर्जुमा गर्ने उक्त समिति महत्वपूर्ण मानिन्छ ।
बेलायतको नेपाली समुदायमा स्वच्छ छवि बनाएका तिमल्सेना ‘मिडिया एक्सपोजर’ भन्दा काममा बढि विश्वास गर्छन् ।
