बुधबार, मंसिर १० २०७७ | Wed, November 25, 2020
नेपालको समय: ०८:०४ | UK Time: 02:19

रेडिङमा आयोजित बुद्ध जयन्तीमा दानको ओइरो

वीनेपाली
२०७५ वैशाख १७ गते १६:१४

लन्डन । बुद्धिष्ट गुम्बा रेडिङ यूकेले २५६२ औं बुद्ध जयन्तीको उपलक्ष्यमा आइतबार पूजापाठ, प्रवचन तथा खाता वितरण कार्यक्रम गरेको छ ।

रेडिङस्थित लिजर सेन्टरमा आयोजित कार्यक्रममा रेडिङमा बुद्धिष्ट गुम्बा निर्माण सहयोगार्थ एकलाख ४० हजार पाउण्डको प्रतिवद्धता आएको बुद्धिष्ट गुम्बा रेडिङ यूकेका महासचिव कमल गुरुङले जानकारी दिए । कार्यक्रममा ४५ हजार पाउण्ड संकलन भइसकेको गुरुङले बताए ।

बिभिन्न भक्तजनबाट खाना स्वरुप तीनहजार पाउण्ड दान र गुम्बा बनाउन विभिन्न दाताबाट एक लाख ४० हजार पाउण्ड प्रतिवद्धता आएको हो । धर्मगुरुद्वयमध्ये गुप्तबहादुर गुरुङले तीनसय तथा रक्षबहादुर गुरुङले डेढ सय पाउण्ड बुद्धिष्ट गुम्बा रेडिङ यूकेका लागि प्रदान गरेका थिए ।

बुद्ध जयन्तीमा धर्म गुरुहरु गुप्तबहादुर गुरुङ तथा जनता गुरुङले पूजापाठ तथा बुद्धबारे प्रवचन दिएका थिए । उक्त कार्यक्रमलाई रेडिङ आमा समूहले विशेष सहयोग गरेको थियो । छोटो समयको तयारी वावजुद पनि कार्यक्रम सफल भएको महासचिव कमल गुरुङले बताए ।

श्रीमती यशोदा गुरुङले सञ्चालन गरेको उक्त कार्यक्रममा पूजापाठको तयारी गर्न नरबहादुर गुरुङ, बुद्धिष्ट गुम्बा रेडिङ यूके परिवार तथा अन्य व्यक्तिले योगदान गरेका थिए ।


बुद्धिष्ट गुम्बा रेडिङ यूके अध्यक्ष भूपू इन्सपेक्टर खेमबहादुर गुरुङले दाता र अन्य सहयोगी सबैप्रति आभार व्यक्त गरेका छन् ।

अध्यक्ष गुरुङले धर्म गुरुहरु, पूजापाठमा संलग्न भक्तजन, खाजा व्यवस्था गर्ने आमा समूह, म्हनेपा रेडिङ, साउण्ड सिस्टम र कार्यक्रमको सम्पूर्ण व्यवस्थापन गर्ने टिमलाई धन्यवाद दिए ।

प्रतिक्रिया

सम्बन्धित सामाग्री

फेसबुक