बिहीबार, मंसिर ११ २०७७ | Thu, November 26, 2020
नेपालको समय: ०९:३० | UK Time: 03:45

लन्डनमा २५६२ औं बुद्ध जयन्ती

शिवशरण गुरुङ
२०७५ वैशाख १७ गते ५:१०

लण्डन । तमु समाज युकेले शनिबार २८ अप्रिल २०१८ का दिन २५६२ औं बुद्ध जयन्ती भब्यताकासाथ मनायो । लन्डन वेम्बलीको बरहाम पार्कस्थित तमु समाज युके नेपलिज कम्युनिटी सेन्टरमा लामा गुरुहरुबाट बृहत पूजापाठ गरि शान्तिका अग्रदूत, एशियाका तारा तथा नेपालका राष्ट्रिय विभूति भगवान गौतम बुद्धको जन्म जयन्ती मनाइएको हो ।

पूजापाठ सञ्चालन नेपाल देखि आएका श्रद्धेय लामा गुरु बज्र आचार्य जनता गुरुङ, देवाचन बुद्धिष्ट सेन्टरका अध्यक्ष तथा प्रमुख लामा धरम गुरुङ र तमु समाज युकेका सल्लाहकार तथा लेक्चरर लामा गुरु प्रेम गुरुङले गर्नुभएको थियो ।

बिहान ११.३० बजे तमु समाज युकेका अध्यक्ष अर्जुन गुरुङ र आमा समूहकी अध्यक्ष माया गुरुङले संयुक्तरुपमा दिप प्रज्वलन गरि आरम्भ गरिएको पूजापाठमा श्रद्धेय लामा गुरुहरुले बुद्ध जयन्तीको महत्व, बुद्धको जिवनी, उपदेश, धर्म र संस्कारबारे प्रवचन पनि दिएका थिए ।

पूजापाठ र प्रवचनपछि उपस्थित सबै भक्तजनहरुले लामा गुरुहरुबाट अभिषेक र प्रसाद ग्रहण गरेका थिए ।

बृहत पूजापाठ आरम्भ हुनु अगाबै कार्यक्रममा नेपालबाट आएका अतिथि लामा गुरु बज्र आचार्य जनता गुरुङलाई संस्थाको तर्फबाट तमु समाज युकेका अध्यक्ष अर्जुनकुमार गुरुङ, उपाध्यक्ष बिजु गुरुङ र आमा समूहकी अध्यक्ष माया गुरुङले संस्थाको प्लेक, खादा र पुष्प गुच्छा प्रदान गरि स्वागत तथा सम्मान गरेका थिए ।

यसै गरि देवाचन बुद्धिष्ट सेन्टरका अध्यक्ष तथा प्रमुख लामा धरम गुरुङले पनि देवाचन बुद्धिष्ट सेन्टरको तर्फबाट अतिथि लामा गुरुलाई खादाबाट स्वागत तथा सम्मान गर्नु भएको थियो ।

तमु समाज युके आमा समूहको सकृयता, सहयोग र सल्लाहकार ईमान घलेको संयोजनमा गरिएको उक्त बुद्ध जयन्ती पूजा कार्यक्रममा मुलत लन्डन वरपरका जेष्ठ नागरिकहरुको सहभागिता थियो ।

कार्यक्रममा तमु समाज यूकेका संस्थापक अध्यक्ष तथा सल्लाहकार चित्रबहादुर गुरुङ, निबर्तमान अध्यक्ष तथा सल्लाहकार शिवशरण गुरुङ लगायत समाजका अन्य सल्लाहकारहरु, कार्यसमितिका पदाधिकारीहरु, सदस्यहरु, आमा समूहका सदस्यहरु र श्रद्धालु भक्तजनहरुको उल्लेख्य उपस्थिति थियो ।

तमु समाज युकेले स्थापनाकाल देखि नै निरन्तर बैशाख पूर्णिमाको अवसरमा बुद्ध जयन्ती पूजा सञ्चालन गर्दै आएको छ । विगत वर्षहरु झैं यस वर्ष पनि बुद्ध जयन्ती पूजा कार्यक्रममा सबै भक्तजनहरुलाई निशुल्क प्रवेश र खानपिन व्यवस्था गरेको थियो ।

पूजा कार्यक्रमका लागि थुप्रै दानवीरहरुले स्वतस्फूर्त र श्रद्धाभावले अर्थ, खाजा, पेय पदार्थ तथा अन्य आवश्यक सामाग्रीहरु दान सहयोग स्वरुप उपलब्ध गराएका र खानाको ब्यबस्थापन रारा केटरिङले गरेको थियो ।

महासचिब ज्ञानबहादुर गुरुङले संचालन गरेको कार्यक्रममा तमु समाज युकेका अध्यक्ष अर्जुनकुमार गुरुङले स्वागत मन्तब्य, आमा समूहकी अध्यक्ष माया गुरुङले धन्यबाद मन्तब्य र कार्यक्रम संयोजक ईंमान घलेले चन्दा तथा सहयोगदाताहरुको नामावली र विवरण बाचन गर्दै सबैलाई धन्यबाद दिए ।

अहिंसा, सत्य र संयमलाई मूल मंत्र ठानेर सदैब सदभाव र सत्कर्ममा लागी जिवन बिताउनु नै बुद्धधर्मको सार संक्षेप हो। यिनै कुरालाई बुझेर सत्यमार्गमा लागी कुविचार, कुदृष्टी, कुसंस्कार र कुलतबाट टाढा रहेर मात्र पवित्र तथा सरल जिवन प्राप्त गर्न सकिन्छ र मनमा डाहा र डरबाट सहज ढंगले मुक्ति पनि पाउन सकिन्छ ।

पीडा र भय मुक्त मानवको मनमा मात्र सधैं शान्ति छाउंछ । ‘शान्तिबाट मात्र मानिसले विकास र मोक्ष प्राप्त गर्दछ’, बुद्धले भनेका छन् ।

मानवता, शान्ति, प्रेम, खुसी, सद्भाव र मित्रताको सन्देश संसारभरि फैलाउने भगवान बुद्धको श्रद्धाका निम्ति र मानव जगतमा सबैको मोक्ष प्राप्तिका लागि आयोजना गरिएको बुद्ध जयन्ती पूजापाठ कार्यक्रम भब्यताकासाथ सम्पन्न भएकोमा आयोजक समिति तथा उपस्थित भक्तजनहरुले खुशी ब्यक्त गरेका थिए ।

प्रतिक्रिया

सम्बन्धित सामाग्री

फेसबुक