गैर कानुनी आप्रवासी हटाउने मुद्दामा गृहमन्त्रीले दिइन् राजिनामा

एम्बर रड

लन्डन । प्रधानमन्त्री टेरेजा मेको क्याबिनेटमा प्रभावशाली ठानिएकी गृहमन्त्री एम्बर रडले राजिनामा दिएकी छन् । दशकौं अघि बेलायत आएका क्यारेबियन आप्रवासीहरुलाई देश निकाला गर्ने मुद्दा (वीन्डरस काण्ड) मा केही साता यता तीव्र आलोचना र राजिनामाको दवाव खेपिरहेकी रडको राजिनामालाई प्रधानमन्त्री मेले आइतबार सांझ स्वीकृत गरेको डाउनिंग स्ट्रिट श्रोतलाई उधृत गर्दै बेलायती अखवारहरुले जनाएका छन् । गृहमन्त्री रडले सोमबार संसदमा सम्वोधन गर्ने कार्यक्रम थियो ।

बेलायतको लोकप्रिय दैनिक ‘गार्डियन’ ले आइतबारको अंकमा गृहमन्त्री रडले प्रधानमन्त्रीलाई पठाएको ‘गोप्य पत्र’ सार्वजनिक गरिदिएको थियो । उक्त पत्रमा रडले केही वर्षभित्र दश प्रतिशत गैर कानुनी (इलिगल) आप्रवासी हटाउने महत्वकांक्षी लक्ष्य लिएको उल्लेख थियो । तर, रडले गत साता संसदको होम अफेयर्स कमिटीमा वयान दिने क्रममा आप्रवासी हटाउने लक्ष्यबारे अनभिज्ञता प्रकट गरेकी थिइन् ।

रडको अध्यागमन नीतिप्रति सांसदहरु नै असन्तुष्ट थिए । ‘वीन्डरस काण्ड’ मा रडविरुद्ध २०० बढि सांसदहरुले हस्ताक्षर गरेका थिए ।

प्रतिक्रिया

सम्बन्धित सामाग्री