लन्डनमा स्वर्गीय नेता खड्काको योगदान चर्चा


लन्डन । नेपाली जनसम्पर्क समिति (एनपीसीसी) बेलायतले गत हप्ता दिवंगत नेपाली कांग्रेसका प्रभावशाली नेता खुम बहादुर खड्काप्रति श्रद्धाञ्जलि अर्पण गर्न एक कार्यक्रम गरयो । शनिबार दिउंसो पश्चिम लण्डनको फेल्थाममा आयोजित कार्यक्रममा बेलायतस्थित कांग्रेस कार्यकर्ताले खड्काप्रति श्रद्धाञ्जलि अर्पण गरे ।

समितिका सभापति युवराज गुरुङको सभापतित्वमा सम्पन्न उक्त कार्यक्रममा सहभागीले स्वर्गीय खड्काको तस्विरमा पुष्पगुच्छा अर्पण गरे ।

कार्यक्रममा समितिका सभापति गुरुङ, प्रमुख अतिथि एनआरएनए यूके उपाध्यक्ष शेर सुनार, समितिका निवर्तमान अध्यक्ष लोक गुरुङ लगायत वक्ताले नेपालको प्रजातान्त्रिक आन्दोलनमा खड्काको योगदानको चर्चा गरेका थिए ।

महामन्त्री सूर्य तामाङले सञ्चालन गरेको कार्यक्रममा महामन्त्री प्रवेश केसीले स्वगत मन्तब्य दिए । कार्यसमिति सदस्य खुशी लिम्बुले स्वर्गीय नेता खड्काले जीवनको उत्तरार्धमा
 राजनैतिक उतारचढाब ब्यहोर्नु परे पनि उनको जीवनमा खोट भन्दा पनि बढी सुन्दर पक्ष रहेको जिकिर गरे ।

कार्यक्रम समापनका क्रममा अध्यक्ष युवराज गुरुङले निशुल्क हल उपलब्ध गराएकोमा समितिका सहमहामन्त्री तथा नमस्ते गोर्खा रेस्टुरेण्टका सह–प्रोप्राइटर इन्द्रहाङ लिङदेनलाई धन्यवाद दिए ।

नेपाली कांग्रेसका केन्द्रिय सदस्य खड्काको ६७ वर्षको उमेरमा गत हप्ता भारतमा उपचारका क्रममा निधन भएको थियो ।

लिम्बु समितिको प्रवक्ता
यसैबीच, समितिले प्रवक्तामा खुशी लिम्बुलाई नियुक्त गरेको छ । समितिका सभापति युवराज गुरुङका अनुसार लिम्बुलाई शनिबार देखि प्रवक्ताको जिम्मेवारी दिइएको हो । लिम्बु नेपाल आदिवासी जनजाति महासंघ वेलायत (नेफिन यूके) को महासचिव समेत हुन् । गैर आवासीय नेपाली संघको अभियानमा समेत सक्रिय लिम्बु समितिको कार्यसमिति सदस्यमा निर्विरोध निर्वाचित भएका थिए ।

प्रतिक्रिया

सम्बन्धित सामाग्री