लन्डन । लन्डन बस्ने उदयीमान गायक सुजन पराजुली, नेपालका चर्चित लोक दोहोरी गायक गायिका कृष्ण देवकोटा र देवी घर्तीमगरले संयुक्त रुपमा ‘माया मारयो परदेशीले’ बोलको नयां लोक दोहोरी गीत बजारमा ल्याएका छन् । म्यूजिक नेपाल अफिसियल यू टयुब च्यानलमार्फत उक्त गीत र म्यूजिक भिडियो हालै बजारमा ल्याइएको हो ।
गीतले परदेशिएपछिको वास्तविक अवस्था चित्रण गरेको छ । वाध्यताले परदेशीनु परेपनि आफ्नो मन मस्तिष्कमा मातृभूमि नै रहेको झल्काउने गीतमा माया नमारेको बुझिदिन आग्रह गरिएको छ । चौतारी र गाउं बेसीले प्रवासी नेपालीलाई खोजिरहेको भाव पनि गीतमा समावेश छ ।
कृष्ण देवकोटाको रचना र संगीत रहेको उक्त गीतको म्यूजिक भिडियोमा महेन्द्र गौतम र रिचा थापाले अभिनय गरेका छन् भने भिडियो निर्देशन दिलिप रेग्मीको छ ।
भिडियो हेर्नुहोस्
