विश्व नेपाली साहित्य सम्मेलन अगष्टमा यूकेमा हुने

लन्डन । दोस्रो विश्व नेपाली साहित्य सम्मेलन यूकेमा हुने भएको छ । विश्व नेपाली साहित्य महासंघ, केन्द्रीय समितिको गत २८ मार्च २०१८ का दिन सम्पन्न बैठकले आगामी ११ – १२ अगष्ट, २०१८ का दिन यूकेमा सम्मेलन गर्ने निर्णय गरेको हो ।

महासंघका अध्यक्ष विश्वासदीप तिगेला र महासचिव डा. लेखनाथ काफ्लेद्वारा हस्ताक्षरित प्रेस विज्ञप्तिमा सो कुरा जनाइएको छ ।

उक्त सम्मेलनका निम्ति केन्द्रीय सचिव साहित्यकार केदार संकेतको संयोजकत्वमा ब्यवस्थापन समिति गठन गरिएको छ ।

बैठकले यस वर्षको उत्कृष्ट शाखा साहित्यकार विजय हितानको अध्यक्षतामा रहेको विश्व नेपाली साहित्य महासंघ, साउथ यूकेलाई घोषणा गरेको छ । यस अघि साउदी अरेबिया, रसिया र इजरायल उत्कृष्ट शाखा घोषणा भइसकेका छन् ।