तस्बिर- शिव भण्डारी
लण्डन । ब्रिटिश प्रोफेसनल बक्सरहरु एनआरएनए यूकेको च्यारिटीमा सहभागी हुन उत्साहित भएका छन् ।
एनआरएनए यूकेले परोपकारी कोषका लागि ३१ मार्च शनिबार साँझ अल्डरसटको एम्पाएर हलमा ‘च्यारिटी डिनर वीथ बक्सिङ शो’ गर्दैछ ।
गैर आवासीय नेपाली संघ यूकेका उपाध्यक्ष तथा च्यारिटी विभाग संयोजक प्रेम गाहामगरको पहलमा ब्रिटिश प्रोफेसनल बक्सरहरु जोन राइडर, अलान साउथवीक, एबिए च्याम्पियन कोनी र ब्रिटिश नम्बर थ्री बक्सर क्रिस ब्रोक भिआइपी गेस्टका रुपमा आउन लागेका हुन् । यूरोपियन च्याम्पियन नेपाली आदिप राना पनि च्यारिटीमा आउने तय भएको छ ।
संयोजक गाहामगरसँग शनिबार भएको भेटमा ‘वल्ड फोर्थ टप बक्सर’ जोन राइडर र १९९६ – १९९७ एबिए बक्सिङ सेमिफाइनलिस्ट तथा फाइनलिस्ट अलानले आफूहरु नेपाली समुदायबाट निकै प्रभावित भएको बताउंदै समस्त नेपाली समुदायलाई च्यारिटीमा आएर साथ दिन अपिल गरे । राइडर जेमी कोक्ससँग मे ५ मा लण्डन ओटुमा भिडदै छन् ।
अलान लण्डनमा केही क्लबका संचालक छन् । एबिए च्यामपियन्स कोनी र ब्रिटिश नम्बर थ्री बक्सर क्रिस ब्रोक गाहामगरका विद्यार्थी हुन् ।
च्यारिटीमा १० वटा फाइट हुनेछ । संयोजक गाहामगरले तयारी तीब्र भएको बताउदै ‘डोनेशन’ गरिदिन सबैमा अनुरोध गरेका छन् । कार्यक्रम ऐतिहासिक बनाउन गाहामगर दिन रात जुटेका छन् ।
डोनेशन गर्न
NRNA UK, Lloyds Bank
Sort code – 309988
Account No – 50757760
Ref – Boxing
