‘उल्झन’ रेड कार्पेट प्रिमियरपछि अन्य शहरमा

लन्डन । लन्डनवासी नायक ध्रुव दत्त अभिनित नेपाली चलचित्र ‘उल्झन’ को रेड कार्पेट प्रिमियर शो गत सप्ताहन्त एम्पायर हल अल्डरसटमा गरियो । उक्त फिल्म अब बेलायतका विभिन्न शहरमा प्रदर्शन गर्ने तयारी छ । चलचित्रको नेपाल प्रदर्शन मिति भने छिट्टै तय गरिने निर्माण समूहले जनाएको छ ।

बेलायतका लागि नेपाली राजदूत डा. दुर्गा बहादुर सुवेदीको प्रमुख आतिथ्यमा प्रिमियर शो भएको हो । हिउंका कारण दर्शक उपस्थिति निरासाजनक भएपनि एनआरएन यूके अध्यक्ष योगकुमार फगामी, उपाध्यक्षहरु शेरबहादुर सुनार, पुनम गुरुङ, सुशीला राई, एनआरएन यूके पूर्व अध्यक्षहरु सूर्य गुरुङ, मुक्षेत्र गुरुङ, सहारा यूके अध्यक्ष मीनबहादुर गुरुङ ‘साईंला’, कुमार 
गुरुङ, सनमकुमार बैराग, सपनकुमार 
राई, थम बहादुर रसाइली, शान्ति गुरुङ लगायत केही अतिथीहरु शोमा सहभागी थिए ।

रुमानी सपना बोकेर विदेशिएको युवा, उसको भोगाई र त्यसले घर अनि समाजमा पारेको असरलाई चलचित्रमा देखाइएको नायक दत्तले जनाए । दर्शकहरुले चलचित्र मन 
पराएको दावी निर्देशक राजु अधिकारीको छ ।

उक्त चलचित्र २५ मार्चमा साउथ हयारो, ३१ मार्चमा 
स्वीन्डन र त्यसपछि बेलायतको स्कटल्याण्डसहित अन्य शहरमा पनि प्रदर्शन हुने जनाइएको छ । चलचित्रमा ध्रुव दत्त, रजनी केसी, बेनी ढुंगाना, दिनेश शर्मा, रामचन्द्र अधिकारी लगायत कलाकारको अभिनय छ ।

तेजेन्द्र कंडेल प्रस्तुतकर्ता रहेको उल्झनको निर्माताहरुमा नवीन अधिकारी, हरी कार्की र कार्यकारी निर्मातामा नारायण
ढुंगाना छन् । लन्डन बस्ने नारायण ढुंगाना एक समयका सक्रिय सञ्चारकर्मी पनि हुन् ।