महिलालाई अश्लील दृश्य पठाउने ब्रिटिश उपप्रधानमन्त्री बर्खास्त

लन्डन । बेलायती उपप्रधानमन्त्री डेमियन ग्रिनले आफ्नो पदबाट राजिनामा दिएका छन् । उनले एकजना सरकारी अधिकारीले गर्न नहुने गरी आचारसंहिताको उल्लंघन भएको भनी गरिएको छानबीनमा दोषी पाइएपछि राजिनामा दिएका हुन् ।

ब्रिटेनका प्रधानमन्त्री टेरेजा मेका निकटस्थ मानिने उपप्रधानमन्त्री डेमियनले दिएको राजिनामापछि यहांको राजनीतिमा फेरि अर्को एउटा दुर्घटना निम्तिएको विश्लेषण पनि गर्न थालिएको छ ।

उनलाई आचारसंहिता उल्लंघन गरेको भन्दै केही वर्षयतादेखि अनुसन्धान गरिएको थियो । उनलाई सो अनुसन्धानले दोषी ठहर 
गर्दै बर्खास्त गर्नुपर्ने सुझाव दिएको थियो ।

सोही कारणले उनले राजिनामा दिएको समाचारमा उल्लेख छ । उनको राजिनामा प्रधानमन्त्री मेले बिहीबार स्वीकृत गरेकी छन् ।

उनले आफ्नो राजनीतिक दलका एकजना महिला सहकर्मीलाई दुव्र्यवहार गरेको र अश्लिल दृश्यहरु कम्प्युटरमा पठाएको आरोप लागेको थियो । सन् २००८ मा भएको भनिएको यस घटनामा उहाँमाथि अनुसन्धान भएको थियो । उनको कार्यालयको कम्प्युटरमा पाइएका यस्ता अश्लिल सामग्रीबाट नै यो प्रमाणित भएको बताइएको छ । तर उनले भने ती सामाग्रीबारेमा झुट्टो जानकारी दिएको एक अनुसन्धानको निष्कर्षमा देखिएको छ ।

ती सामाग्रहरुका अतिरिक्त उनले आफ्नै कन्जरभेटिभ दलकी एक जना महिलालाई पनि दुव्र्यवहार गरेको दाबी गरिएको थियो । त्यसबारेमा पनि उनीमाथि अनुसन्धान भइरहेको थियो ।

उपप्रधानमन्त्री डेमियन प्रधानमन्त्री टेरेजा मेका एक निकटस्थ राजनीतिज्ञ हुन् । उनीहरुको मित्रता अक्सफोर्ड विश्वाविद्यालयमा संगै अध्ययन गर्दादखि नै रहेको बताइन्छ ।

यतिखेर प्रधानमन्त्री मेले ब्रिटेन युरोपेली संघबाट बाहिरिने सहमति जुटाउनेलगायतका कैयौं चुनौतीका बारेमा विभिन्न कठिन वार्ताहरु गरिरहेकी छिन् । यसैबीच उनको राजिनामाले प्रधानमन्त्री मेलाई पनि समस्या पर्नसक्ने अनुमान गरिएको छ ।

तर यस विषयमा मेको भनाई भने केही आएको छैन् । उता उपप्रधानमन्त्री डेमियनले पनि आफूले त्यस्तो कुनै गल्ती नगरेको बताएका छन् ।

त्यस विषयमा आफू दोषी नरहेको उनको दाबी छ । तर उनको यो राजिनामाले बेलायत सरकारको वर्तमान स्थिरतामा भने कुनै चुनौती नदेखिएको अधिकारीहरुको भनाई छ ।

प्रधानमन्त्री मे पोल्याण्ड भ्रमणमा जाने

यसैबीच ब्रिटिश प्रधानमन्त्री टेरेजा मे बिहीबार पोल्याण्डको भ्रमणमा जान लाग्नुभएको छ । उनी बिहीबार युरोपेली युनियनसँग सम्बन्धित विषयमा वार्ताका लागि त्यसतर्फ जान लागेको समाचारमा जनाइएको छ ।

प्रधानमन्त्री मे पछिल्लो समयमा युरोपेली युनियनबाट बेलायत बाहिरिने विषयमा युरोपका विभिन्न देशसंग वार्ता गर्दै छिन् ।