बिहीबार, असोज ७ २०७८ | Thu, September 23, 2021
नेपालको समय: २०:१० | UK Time: 15:25

आइएसबाट इराकको सम्पूर्ण क्षेत्र स्वतन्त्र

रासस-सिन्ह्वा
२०७४ मंसिर २४ गते १:२०

इराकी सुरक्षा बल इस्लामिक स्टेट लडाकु विरुद्ध रकेट प्रहार गर्दै मोसुलमा । तस्विरः एपी

बग्दाद, इराक, २३ मङ्सिर – इश्लामिक स्टेट (आइएस) समूहसँग विगत लामो समयदेखि जुधिरहेको इराकी सेनाले पश्चिमी इराकका मरूभूमि तथा सम्पूर्ण सीमाक्षेत्रलाई आइएसबाट मुक्त गरेको शनिबार जानकारी गराएको छ ।

‘इराकको सवै भूमिलाई आइएसबाट पूर्ण नियन्त्रणमा लिने सफलता इराकी सेनालाइ मिलेको छ साथै अब सेनाले आइएसको इराक प्रवेशमा रोक लगाउन सिरियासँगको सीमा क्षेत्रलाई कडा बनाउने छ’, पश्चिमी इराक सुरक्षा अभियानका कमाण्डर लेफ्टिनेन्ट जनरल अब्दुल अमिर रसीद याराल्लाहले जारी गरेको एक संक्षिप्त विज्ञप्तिमा उल्लेख गर्नुभयो ।

‘सैनिक तथा अर्धसैनिक वलको हासद सावि ब्रिगेडले स्थल तथा इराकी हेलिकोप्टरबाट गरेको कारबाहीपछि नाइनभे र अनवरबीचको मरुभूमि क्षेत्रलाई कब्जामा लिएको हो’, याराल्लाहले बताउनुभयो ।

सेनाले पछिल्लो २४ घण्टामा गरेको कारबाही पछिको सफलताले अव आइएस प्रभावित एक हजार ६०० वर्ग किलोमिटर जमिनमा रहेका ९० गाउँमाथि नियन्त्रण जमाएको छ ।

इराकी सेनाले इराक सिरिया सीमाको १८३ किलोमिटर क्षेत्रलाई सुरक्षा दिइबसेको याराल्लाहले बताउनुभयो ।

गत नोभेम्बर ५ मा इराकी प्रधानमन्त्री हैदर अल–अवादीले इराक–सिरियाको हुसैवाह सीमामा राष्ट्रिय झण्डा फहराउँदै छिट्टै इराक आइएसको आक्रमण खतराबाट मुक्त हुने जनाउनुभएको थियो ।

प्रतिक्रिया

सम्बन्धित सामाग्री

फेसबुक