शनिबार, कार्तिक ८ २०७७ | Sat, October 24, 2020
नेपालको समय: ०३:१० | UK Time: 22:25

नयां म्यूजिक भिडियोमा अनिताको ‘हट’ अवतार

वीनेपाली
२०७४ मंसिर १४ गते १२:२६

लन्डन । बेलायत बस्ने नेपाली मोडल अनिता लिम्बुको 
मोडलिङ यात्रा तीव्र गतिमा अगाडि बढेको छ । रयाम्प र भिज्यूअल दुवैमा उत्तिकै सक्रिय अनिताले गत सातामात्र एउटा नयां म्यूजिक भिडियो गरिन् । ब्रिटिश एक्टर ज्याक 
आर्मस्ट्रोङका साथ अनिताले गायक राजेश पायल राई र अमृता लिम्बुले गाएको गाएको गीत ‘बिस्तारै बिस्तारै…’ को म्यूजिक भिडियोमा अभिनय गरेकी हुन् । उक्त म्यूजिक भिडियो अमृत गुरुङ र निक्को गुरुङले 
निर्देशन गरेका छन् । गीतको रचना जानु कामबाङ लिङदेनको छ ।

हलिउड फिल्म एम्पायर अफ दि सार्कस, बलिउड मूभि हेट स्टोरी फोर र कयौं अंग्रेजी म्यूजिक भिडियोमा अभिनय गरेका ज्याकसंग अभिनय गर्न पाउंदा बेग्लै अनुभूति भएको अनिताले बताइन् । ज्याकले म्याकडोनाल्डस, डुरेक्स कमर्सियल, एमटिभी आदि ब्राण्डका लागि पनि काम गरिसकेका छन् ।

अनिता आफैं पनि पछिल्लो समय खुबै व्यस्त भएको बताउंछिन् । उनले हालैमात्र बलिउड मुभी फिर्कीको सानो भूमिका निभाएकी थिइन् । उक्त फिल्ममा निल नितिन मुकेश र ज्याकी श्राफ जस्ता कलाकारहरुको भूमिका छ । साथै अनिताले स्याण्डी लो ब्राइडल वेयर ब्राण्डमा पनि काम गरेको बताइन् । अनिताले यसअघि ‘मन त नेपाली’…मा अभिनय तथा ‘यो जिन्दगी…’ गीत गाएकी पनि थिइन् ।

प्रतिक्रिया

सम्बन्धित सामाग्री

फेसबुक