बिहीबार, कार्तिक १३ २०७७ | Thu, October 29, 2020
नेपालको समय: ०५:२० | UK Time: 23:35

इजिप्टको मस्जिद आक्रमणमा २३५ को मृत्यु

रासस-सिन्हवा
२०७४ मंसिर ८ गते १९:४७

 

काएरो, ८ मङसिर – इजिप्टको उत्तरी सिनाई प्रान्तमा रहेको एउटा मस्जिदमा शुक्रबार भएको आक्रमणमा परी कम्तीमा २३५ जनाको मृत्यु भएको छ ।

घटनामा परी अन्य कम्तीमा १०९ जना घाइते भएको सरकारी अधिकारीहरुले जानकारी दिएका छन् । उक्त आतंककारी हमला इजिप्टकै इतिहासमा भयंकर मानिएको छ । इजिप्टमा तीन दिने राष्ट्रिय शोक घोषणा गरिएको छ ।

शंकास्पद लडाकूहरुले आरिस सहरमा रहेको मस्जिदलाई लक्षित गरी बम र गोली प्रहार गरेको इजिप्टको सरकारी समाचार संस्था मेनाले उल्लेख गरेको छ ।

घटनामा परी घाइते भएकाहरुको स्थानीय विभिन्न अस्पतालहरुमा उपचार भइरहेको इजिप्टको स्वास्थ्य मन्त्रालयले जनाएको छ ।

घाइतेहरु मध्ये केहीको अवस्था गम्भीर रहेको चिकित्सकहरुले जानकारी दिएका छन् ।

मस्जीदमा प्रार्थना गर्न मुस्लीम धर्माबलम्बीहरु भेला भएका बेला आक्रमण भएकाले धेरै जना घाइते भएको बताइएको छ ।

घटनाका बारेमा थप अनुसन्धान सुरु गरिएको सुरक्षा निकायहरुलाई उधृत गर्दै सरकारी अधिकारीहरुले जनाएका छन् ।

प्रतिक्रिया

सम्बन्धित सामाग्री

फेसबुक