जिम्बाब्वेका नयाँ राष्ट्रपतिद्वारा विदेशी लगानी सुरक्षित गर्ने प्रतिवद्धता

नयां राष्ट्रपतिको स्वागतमा प्रतिक्षारत जनता । तस्विर- एपी

हरारे, जिम्बाब्वे, ८ मङसिर – जिम्बाब्वेको नयाँ राष्ट्रपतिका रूपमा शुक्रबार मात्रै सपथ लिएका एमर्सन मनाङगाग्वाले आफ्नो नेतृत्वको सरकारले जिम्बाब्वेमा विदेशी लगानीलाई सुरक्षित गर्ने प्रतिवद्धता जनाउनुभएको छ ।

जिम्बाब्वेमा ९३ बर्षीय पूर्वराष्ट्रपति रोबर्ट मुगाबेको हातबाट शासनसत्ता सेनाले हात लिएपछि मुगाबेले पदबाट राजिनामा दिनुपर्ने अन्तर्राष्ट्रिय समुदाय, दलभित्र तथा नागरिक समाजबाट समेत दवाव सिर्जना भएको थियो ।

मुगाबेले मङगलबार राजिनामा दिनुभएको थियो ।

मनाङगाग्वाले राष्ट्रपतिका रूपमा नेतृत्व सम्हालेपछि गरेको सम्बोधनमा भन्नुभयो, ‘विश्वव्यापिकरणले कुनै राष्ट्रलाई विश्वका गतिविधिबाट टाढा राख्दै भिन्न देखाउनुहुन्न र सक्दैन पनि । जिम्बाब्वेमा सवै विदेशी लगानीलाई प्रोत्साहन गरिनेछ र सुरक्षित गरिनेछ ।’

प्रतिक्रिया

सम्बन्धित सामाग्री