बुधबार, माघ ७ २०७७ | Wed, January 20, 2021
नेपालको समय: ०२:४२ | UK Time: 20:57

हजारौं इरानीद्वारा तेहरानमा ट्रम्प विरुद्ध प्रदर्शन

वीनेपाली
२०७४ कार्तिक १८ गते २३:४७

तस्विर- एएफ्पी

तेहरान, इरान, १८ कात्तिक (रासस-एएफ्पी) – इरानको राजधानी तेहरानमा अमेरिकाविरुद्ध नाराबाजी गर्दै हजारौं इरानी नागरिकले अमेरिकी राष्ट्रपति डोनाल्ड ट्रम्पले लिएको नीतिविरुद्ध शनिबार प्रदर्शन गरेका छन् ।

सन् १९७९ मा अमेरिकी राजदूतावासलाई नियन्त्रणमा लिएको दिन दिनको सम्झनामा गरिएको प्रदर्शनमा अमेरिकी वर्तमान् राष्ट्रपतिको विरोध गर्दै केही स्थानमा अमेरिकी झण्डासमेत जलाइएको थियो ।

इश्लामिक आन्दोलन शुरु भएको ४४४ दिनको बन्धक समस्याका कारण निम्तिएको दुई देशबीचको कुटनैतिक समस्या आजका दिनसम्म पनि निरन्तर रहेको छ ।

अमेरिकाले इरान विरुद्ध लगाइएको नयाँ प्रतिबन्धको विरोधमा निकालिएको जुलुसमा प्रदर्शनका क्रममा अमेरिकी झण्डा तथा ट्रम्पको पुत्लासमेत जलाइएको थियो ।

इरानका सर्वोच्च राष्ट्रिय सुरक्षा परिषद्का सचिव अलि शामखानीले भन्नुभयो- ‘यस बर्ष अमेरिकी राष्ट्रपति ट्रम्पले इरान विरोधी नीतिका कारण धेरै इरानी नागरिक अमेरिका विरुद्ध आक्रामक देखिएका छन् ।’

अमेरिकी राष्ट्रपति ट्रम्प प्रशासनले सन् २०१५ मा अमेरिका, इरानसहित विश्वशक्ति राष्ट्रबीच इरानको आणविक कार्यक्रमका बिषयमा अन्तर्राष्ट्रिय सम्झौतालाई मान्यता नदिने निर्णयले इरानलाई पछिल्लो समय चेतावनी दिइरहेको छ ।

प्रतिक्रिया

सम्बन्धित सामाग्री

फेसबुक