आइतबार, कार्तिक ९ २०७७ | Sun, October 25, 2020
नेपालको समय: ००:२५ | UK Time: 19:40

चुनावपछि क्याटलोनिया संकट समाधान हुने विश्वास

वीनेपाली
२०७४ कार्तिक १७ गते १०:४५

स्वतन्त्रता पक्षधरहरुले निकालेको रयाली । तस्विर रोयटर्स

म्याड्रिड, १६ कात्तिक (रासस-सिन्ह्वा) – स्पेनको क्याटलोनियाका लागि केन्द्रीय सरकारका प्रतिनिधिहरुले क्याटलोनिया संकट निर्वाचनपछि समाधान हुने दावी गरेका छन् ।

अहिले देखिएको संकट निर्वाचनसँगै अन्त्य हुने उनीहरुले बिहीबार दावी गरेको अधिकारीहरुले जानकारी दिएका छन् ।

स्पेनको स्वायत्त राज्यको रुपमा रहेको क्याटलोनियाले गत अक्टोबर १ मा जनमत संग्रह गरेको थियो । जुन स्पेनको संविधान अनुसार असंबैधानिक छ ।

जनमत संग्रहबाट तत्कालिन क्षेत्रीय सरकारले स्वतन्त्र राज्य घोषणा गरेपछि त्यसको विरोधमा केन्द्रीय सरकारले अहिले क्याटलोनियामा प्रत्यक्ष शासन लागू गरेको छ । साथै केन्द्रीय सरकारले आउदो डिसेम्बर २१ गते क्षेत्रीय निर्वाचन गर्ने निर्णय गरिसकेको छ ।

क्याटलोनिया क्षेत्रीय सरकारका पूर्व सदस्यहरुले म्याड्रिड स्थीत अदालतमा उपस्थित भएर विद्रोह, सार्वजनिक सम्पत्तिको दुरुपयोग लगायतका विषयमा लगाइएको आरोपको जवाफ दिएका छन् ।

स्पेन सरकारका प्रतिनिधि इन्रीक मिल्लोले संकट समाधान हुने देखेको बताउनु भएको छ ।

प्रतिक्रिया

सम्बन्धित सामाग्री

फेसबुक