लन्डनका गायक पाठकको कालीसंग यस्तो कनेक्सन !

लन्डन । लन्डनस्थित उदयीमान गायक सुरेशराज पाठकले नयां लोक पप गीत सार्वजनिक गरेका छन् । उनको नयां गीत ‘ए काली’ गत साता सार्वजनिक भएको हो ।

उक्त गीतका रचनाकार र संगीतकार बिपिन आचार्य हुन् । उक्त गीतको म्यूजिक भिडियो पनि निर्माण भएको छ, जसलाई सुरेश काफ्लेले निर्देशन गरेका छन् ।

गायक पाठक आफ्नो गीत लोकप्रिय हुंदै गएकामा दंग छन् । सबै उमेर समूहलाई केन्द्रित गरेर नयां कमेडी -रोमाण्टिक गीत निकालिएको पाठकले जनाए ।

पाठकको गत वर्ष ‘आउंदै छु’ भन्ने एल्बम रिलिज भएको थियो । ‘आउंदैछु म’… एल्बमको टाइटिल गीतको म्यूजिक भिडियो लन्डन र स्कटल्याण्डमा छायांकन हुंदैछ ।

विगत १५ वर्ष देखि लन्डन बस्दै आएका पाठक संगीत क्षेत्रमा निरन्तर समर्पित भएका छन् । उनी भविष्यमा पनि यही क्षेत्रमा लाग्ने बताउंछन् ।

हेर्नुहोस म्यूजिक भिडियो

https://www.youtube.com/watch?v=wn3O3KqTGrA&feature=share