तीन श्रष्टालाई एनआरएनए यूकेको सम्मान

लन्डन । एनआरएनए यूकेले हाल बेलायत भ्रमणमा रहेका नेपालका तीन चर्चित श्रष्टालाई एक समारोहबीच सम्मान गरेको छ । आइतबार एम्पायर हलमा आयोजित कार्यक्रममा चर्चित आख्यानकार अमर न्यौपाने, वरिष्ठ कवि गोविन्दराज विनोदी तथा गजलकार रवि प्राञ्जललाई सम्मान गरिएको हो ।

सम्मान गरेकामा श्रष्टाहरुले संघप्रति आभार व्यक्त गर्दै बेलायतको नेपाली डायस्पोरा साहित्यका लागि उर्वर भूमि बन्दै गएको धारणा राखे । कार्यक्रममा न्यौपानेले आफ्नो पहिलो कृति पानीको घामका केही अंश सुनाएका थिए । उनका सेतो धरती र करोडौं कस्तुरी चर्चित उपन्यास हुन् । सेतो धरतीले मदन पुरस्कार समेत पाइसकेको छ ।

एनआरएनए यूके अध्यक्ष योगकुमार फगामीको अध्यक्षतामा भएको उक्त कार्यक्रममा विनोदी र प्राञ्जलले संक्षिप्त मन्तव्यसहित गजल सुनाएका थिए ।

उक्त कार्यक्रमको संयोजन एनआरएनए यूकेका भाषा साहित्य विभाग प्रमुख नारायण गाउंलेले गरेका हुन् । कार्यक्रममा अध्यक्ष फगामी, एनआरएनए युरोप पूर्व उपसंयोजक सोम सापकोटा, एनआरएन आइसीसी भाषा साहित्य कार्यदलका संयोजक विश्वासदीप तिगेला लगायतले बोलेका थिए ।