किरात याक्थुङ चुम्लुङ युकेमा दुई अध्यक्ष

लण्डन । किरात याक्थुङ चुम्लुङ युकेको अागामी तीन वर्षे कार्यकाल दुईजनाले अापसी सहमतिमा चलाउने निधाे भएकाे छ ।

चुम्ल्ङको शनिबार अल्डरसटस्थित इम्पाएर हलमा सम्पन्न नवाैँ महाधिबेसनले अध्यक्ष पदका दुई अाकांक्षीहरु दिलसिं मेन्याङ्बो र तिलबिक्रम सम्बाहाम्फेलाई संयुक्त रुपमा अध्यक्ष चयन गरेकाे छ । सहमतिअनुसार मेन्याङबोले शुरुकाे वर्ष र सम्बाहाम्फले बाँकी दुई वर्ष अध्यक्षको कार्यकाल सम्हाल्ने छन् । महाधिवेसनले उपाध्यक्षहरुमा नगेन्द्र नेम्बाङ, छत्र वनेम, बिमला सेने, दुर्गा पाङ्मा, नरबिर आङ्बो, महासचिवमा गणेश इजम, सचिवमा विश्वाशदिप तिगेला, सहसचिवमा श्रीमती सानु लिम्बु, कोसाध्यक्षमा धन काम्बाङ, सह-कोसाध्यक्षमा दीपेन्द्र याक्सोलाई चयन गरेकाे छ ।

सदस्यहरुमा  पूर्ण मादेन, शान्ता हुक्पाचोङ्बाङ, नर साबेनहिम, याम आङ्बोहाङ,जुरेन्द्र खजुम,सुबर्ण इदिङ्गो, माया जबेगु, निर्मल पातङ्वा रहेका छन्। ब्रान्चका अध्यक्षहरु पदेन रहन्छन् भने बाँकी सदस्यहरु केन्द्रिय कार्यसमितिले चयन गर्ने बताइएकाे छ । चुम्लुङको १६ वटा ब्रान्च रहेका छन् ।

यसअघि उद्घाटन समाराेह अध्यक्ष काजिमान याक्सोको अध्यक्षतामा भएको थियाे भने प्रमुख अतिथिमा अादिवासी जनजाति महासंघ युकेका अध्यक्ष तुल छन्त्याल रहेका थिए । नयाँ कार्यसमिति चयनका लागि मे‍ रि भवानी पन्धाककाे संयोजकत्वमा विजयविक्रम लिङदेन र हरि लिम्बु रहेको निर्वाचन समिति गठन गरिएको थियाे ।