तस्विरः एपी
संयुक्त राष्ट्रसंघ, भदौ २९ । संयुक्त राष्ट्रसंघका महासचिव एन्टोनियो गुटेर्रेसले कोरियाली प्रायद्वीपमा हालै देखिएको तनावको अवस्थालाई राजनैतिक समाधान खोज्नुपर्ने बताउनुभएको छ ।
उत्तर कोरियाले एकपछि अर्को गर्दै गरेका ब्यालेस्टिक क्षेप्यास्त्र तथा आणविक परीक्षणले विश्व समुदायमा तनाव सिर्जना गरेको भन्दै यस स्थितिको शीघ्र समाधान खोजिनुपर्ने उहाँले बताउनुभयो ।
‘राजनैतिक समाधान मात्र सही उपाय हुनसक्छ । सैनिक उपाय विनासको बाटो हुने र यसको क्षतिपूर्ति आगामी कैयाँै पुस्ताले पनि गर्न सक्नेछैन’, गुटेर्रेसले बताउनुभयो ।
उत्तर कोरियाली आणविक तथा क्षेप्यास्त्र परीक्षणले कोरियाली प्रायद्वीप र विश्व समुदायमा मा व्यापक अस्थिरता एवम् तनाव पैदा गरेको उहाँले बताउनुभयो ।
‘यस हप्ता संयुक्त राष्ट्रसंघ सुरक्षा परिषद्ले सर्वसम्मत रूपमा गरेको नयाँ प्रस्तावले एउटा स्पष्ट सन्देश दिएको छ कि अव उत्तर कोरियाले पूर्णरूपमा यसले सुरक्षा परिषद्मा गरेका प्रतिज्ञा बमोजिम अन्तर्राष्ट्रिय कानुनको पालना गर्नुपर्ने छ’, उहाँले थप्नुभयो- ‘तर सुरक्षा परिषद्को एकताले पनि कुटनैतिक पहलका लागि वातावरण सिर्जना गरेको छ ।’
यसैबीच एटलाण्टिक परिषद्को अन्तर्वार्तामा उच्च अमेरिकी विचारक निकोलास बर्नले उत्तर कोरियामाथि लगाइएको नयाँ प्रतिबन्द मात्रै प्रशस्त नभएको बताउनुभयो ।
