इटालीमा बाढी पीडितको लागि रकम संकलन

इटाली । अन्तर्राष्ट्रिय नेपाली कलाकार संघ इटालीले हरितालिका तीजको अवसरमा सांस्कृतिक कार्यक्रम गर्दै बाढी पीडितको लागि रकम संकलन गरेको छ । नेपालमा विपत परिरहंदा प्रवासमा रमाइलो गर्न नहुने तर्क चलिरहेकै बेला कलाकार संघले भने केही घन्टामा डेढलाख रुपैयां भन्दा बढि संकलन गरेको छ ।
उक्त संकलित रकम यथाशीघ्र धुर्मुस सुन्तली फाउन्डेसनमा जम्मा गर्न लागिएको कलाकार संघका सचिव झिमनारायण चापागाईंले जानकारी दिए । भूकम्पपीडितहरुको लागि नमुना घर बनाएर ख्याति कमाएको उक्त फाउन्डेसनले बाढी पीडितहरुको लागि राहत वितरण गरिरहेको छ ।

सहयोगी हात र मनकारी मनहरु
कार्यक्रममा सहयोग गर्न नथाक्ने हातहरु र कन्जुस्याईं नगर्ने मनहरु प्रशस्तै थिए । कार्यक्रमलाई सम्वोधन गर्दै एनआरएनए इटालीका अध्यक्ष क्षेत्रकुमार श्रेष्ठले परोपकार र सांसारिक जिवनलाई संगै लिएर गएमात्र जीवनको लक्ष्य प्राप्त हुनसक्ने बताए । उनले दिदीबहिनीहरुलाई दर खुवाउने उक्त कार्यक्रमको सम्पूर्ण खर्च मात्र व्यहोरेनन्, नगद दुईसय पनि सहयोग उपलव्ध गराए ।
कार्यक्रममा एनआरएन इटालीका भूतपूर्व उपाध्यक्ष हरिभक्त 
काराखेती तथा अनेकस इटालीका संरक्षक भिन सुनुवार तथा इटाली भ्रमणमा रहेका व्यवसायी अग्नी पौडेलले आफ्नो विचार राखेका थिए ।