आइतबार, असोज ४ २०७७ | Sun, September 20, 2020
नेपालको समय: ०२:४९ | UK Time: 22:04

बार्सिलोना आक्रमणमा ३४ देशका नागरिक आतंकवादको शिकार

वीनेपाली
२०७४ भदौ ३ गते १२:०९

दिवंगतप्रति श्रद्धाञ्जलि अर्पण गरिंदै । तस्विरः एपी

बार्सिलोना (स्पेन), २ भदौ । स्पेनमा भएको दुई छुट्टाछुट्टै आक्रमणमा मृत्यु हुनेको सङ्ख्या १४ पुगेको छ । घटनामा करिब १०० जना घाइते भएका स्पेनी नागरिक सुरक्षा मामिला हेर्ने सरकारी निकायले शुक्रबार जनाएको छ ।

उक्त संस्थाका अनुसार घटनामा मृत्यु हुने तथा घाइते हुनेमा विभिन्न ३४ देशका नागरिक छन् । घटनामा फ्रान्स, पाकिस्तान, स्पेन, नेदरल्याण्ड, चीन, भेनेजुयला, मौरीटानिया, अष्ट्रेलिया, बेलायत, आएरल्याण्ड, बेल्जियम, पोर्चुगल, अष्ट्रेलिया, ग्रीस, हङ्गेरी, मेसेडोनिया, अष्ट्रिया, टर्की लगायतका देशमा नागरिक परेका जनाइएको छ ।

घटनामा कुनै नेपाली परेको जानकारी बिहीबार अपराह्नसम्म खुलेको छैन ।

यसैबीच आक्रमणमा सम्लग्न रहेको आरोपमा स्पेनी सुरक्षाकर्मीले चौँथो आरोपीलाई पक्राउ गरेको छ । क्याम्ब्रिल तथा बार्सिलोनामा उक्त व्यक्तिले गरेका गतिविधिका आधारमा प्रहरीले आरोपितलाई पक्राउ गरेको ट्वीटमा जनाएको छ ।

स्पेन आक्रमणमा एक अमेरिकी नागरिकको मृत्यु, एक घाइते

वासिङटन (संयुक्त राज्य अमेरिका), २ भदौ । अमेरिकी विदेश विभागले स्पेनको बार्सिलोना र क्याम्ब्रिल्समा भएका दुई छुट्टाछुट्टै आक्रमणमा एक अमेरिकी नागरिकको ज्यान गएको र एक जना घाइते भएका जनाएको छ ।

बार्सिलोनामा रहेका अमेरिकी महाबाणिज्य दूताबासका कुटनीतिज्ञले स्थानीय अधिकारीको सहयोगमा थप विरामीको पहिचान गर्ने र थप अमेरिकी नागरिकलाई सहयोग पुरयाउने काम भइरहेको विभागले जनाएको छ ।

विभागले अमेरिकी नागरिक सामान्य घाइते भएको जनाएपनि उनको नामभने सार्वजनिक गरेको छैन ।

घाइते २५ जना फ्रान्सेली

स्पेनको बार्सिलोना सहरमा बिहीबार अपराह्न भएको आतङ्ककारी हमलामा परी घाइते भएकामध्ये २६ जना फ्रान्सेली नागरिक रहेका छन् ।

फ्रान्सेली विदेशमन्त्री जेएन भेसले ड्रिआनले शुक्रबार सो जानकारी दिनुभएको प्राप्त समाचारमा उल्लेख छ । घाइते भएका फ्रान्सेली नागरिकमध्ये ११ जनाको अवस्था गम्भीर रहेको पनि उहाँले जानकारी दिनुभएको छ ।

प्रतिक्रिया

सम्बन्धित सामाग्री

फेसबुक