पाल्पा जिल्ला समाजको समर भेटघाट

पाल्पाली भन्ज्याङकाे विमाेचन हुँदै

लण्डन । पाल्पा जिल्ला समाज युकेको समर भेटघाट सम्पन्न भएको छ । अल्डरसटस्थित एम्पाएर हलमा भएको सो भेटघाट समाजका अध्यक्ष बम थापा सूर्यवंशीमगरको अध्यक्षता र बेलायतका लागि नेपाली राजदूत डा. दुर्गाबहादुर सुवेदीको प्रमुख आतिथ्यमा भएको थियो ।

कार्यक्रममा उपाध्यक्ष वाचस्पति रेग्मीले स्वागत मन्तब्य व्यक्त गरेका थिए भने प्रमुख अतिथि, अध्यक्ष सूर्यवंशी र लेफिटनेण्ट कर्णेल यम रानाले प्रथम भिक्टोरिया क्रस विजेता कुलवीर थापाको तस्वीरमा माल्यार्पण गरेका थिए । सो अवसरमा समाजको मुखपत्र पाल्पाली भञ्ज्यांगको पनि विमोचन गरिएको थियो ।

कार्यक्रममा प्रमुख अतिथि डा. क्षेत्री, लेफ्टिनेण्ट कर्णेल यम राना, मगर संघ युकेका अध्यक्ष नेम थापा, मोना युकेका अध्यक्ष कमल पुर्जा, गोरखा जिल्ला समाज युकेका उपाध्यक्ष कर्ण दर्लामी, तनहुँ समाज युकेका उपाध्यक्ष केशरबहादुर राना, पाल्पा जिल्ला समाज युकेका पूर्व अध्यक्ष श्यामसिंह राना, एभरेष्ट टाइम्सका प्रबन्ध निर्देशक दुतबहादुर पुन, नेपाल पत्रकार महासंघ युकेका अध्यक्ष नरेश खपाङ्गीमगर, मेजर रिटायर्ड कृष्णकुमार आले लगायतले शुभकामना दिएका थिए ।

कार्यक्रममा ग्राजुयसन गर्ने नानीहरु, आजिवन सदस्यहरुलाई सम्मान र प्रमाण पत्र दिइएको थियो । यसैगरी, कलाकारहरु राजु ढकाल, जमुना राना, कुमार पुन र स्थानीय कलाकारहरुले कार्यक्रममा मनोरञ्जन दिएका थिए ।

औपचारिक कार्यक्रमको संचालन महासचिव खुम कन्बार र मीन सारु तथा साँस्कृतिक कार्यक्रम विष्णु सूर्यवंशीले चलाएका थिए ।

प्रतिक्रिया

सम्बन्धित सामाग्री