मंगलबार, असोज १३ २०७७ | Tue, September 29, 2020
नेपालको समय: १३:११ | UK Time: 08:26

विश्व एथलेटिक्स च्याम्पियनसीपमा भाग लिन राई लन्डनमा

वीनेपाली
२०७४ साउन २१ गते ९:४६

लन्डन । इन्टरनेशनल एसोसिएसन अफ एथलेटिक्स् फेडेरेसनको आयोजनामा शुक्रबारदेखि यहां शुरु १६ औं विश्व एथलेटिक्स च्याम्पियनसीप अन्तर्गत म्याराथनमा भाग लिन नेपाली खेलाडी लन्डन आइपुगेका छन् ।

धावक भूमिराज राई नेपाल एथलेटिक्स एसोसिएसनका महासचिव सुनील राजवंशीका साथ लन्डन आएका हुन् । ६ अगष्टमा लन्डनमा हुने फूल म्याराथन (४२.१९५ किमी) मा राईले प्रतिष्पर्धा 
गर्नेछन् । ‘तयारी राम्रो छ, आशा छ आफ्नो रेकर्ड तोड्नेछु’, राईले लन्डन उत्रिएपछि कान्तिपुरसंग भने । दशकयताको करिअरमा नेपालमा ५ पटक नेशनल च्याम्पियन भइसकेका राईको यसअघिको कीर्तिमान २ घण्टा २० मिनेट ४४ सेकेन्ड छ । उनी नेपाल पुलिस क्लबमा आवद्ध छन् ।

उक्त म्याराथनमा ५४ देशका एकसय सात खेलाडीले प्रतिष्पर्धा 
गर्दैछन् ।

राईसंगै आएका राजवंशीले क्वालिफाइङ टाइम बिट गराएर आगामी विश्व च्याम्पियनसीपमा नेपालको प्रतिनिधित्व गराउने आफूहरुको 
टार्गेट रहेको बताए ।

हरेक दुई वर्षमा हुने विश्व एथलेटिक्स च्याम्पियनसीप यसपटक लन्डन ओलम्पिक स्टेडियममा भइरहेको छ जसमा कुल ४८ इभेन्ट हुनेछन् । प्रतियोगिता ४ देखि १३ अगष्टसम्म सञ्चालन हुनेछ ।

यसैबीच, नेपालबाट आएका खेलाडी र अफिसियलको सम्मानमा लन्डनस्थित माया पबमा सोमबार एक समारोह गरिने भएको छ । युवाहरु सन्तोष राई र सिद्धार्थविक्रम क्षेत्रीले स्वागत तथा सम्मान कार्यक्रम गर्न लागेका हुन् ।

प्रतिक्रिया

सम्बन्धित सामाग्री

फेसबुक