ब्रसेल्स, १६ साउन । युरोपेली सङ्घले लोकतन्त्रका नाममा भेनेजुयलामा भएको विवादस्पद निर्वाचनमा सत्यता मरेको भन्दै सोमबार गम्भीर चिन्ता व्यक्त गरेको छ ।
भेनेजुयलाका राष्ट्रपति निकोलस माडुरोले संविधानको पुर्नलेखनका लागि भएको निर्वाचनमा आफुले जितेको भन्दै आईतबार घोषणा गर्नुभएको थियो ।
उहाँले सरकार विरोधी आन्दोलनका क्रममा चार महिनामा एक सय २० जनाको मृत्यु भएका जनाउदै उक्त अवधिमा भएका गतिविधिमा दोषी ठहर हुने सबैलाई कानुनी दायरामा ल्याइने पनि बताउनुभयो ।
“गत चौविस घण्टाका घटनाहरुले भेनेजुयलाको लोकतन्त्रको खराव स्थितिप्रति युरोपेली सघङ्घलाई चिन्तित बनाएको छ,” दैनिक पत्रकार सम्मेलनमा युरोपेली आयोगका प्रवक्ता मिना एन्ड्रीभाटले बताउनुभयो ।
“एउटा संविधान पुनर्लेखन गर्ने कार्यका लागि भएको भनिएको निर्वाचन अर्को हिंसा भएको छ, यो समस्याको समाधानको पाटो होइन,” उहाँले भन्नुभयो ।
“हरेक तरिकाले हिंसाबाट टाढा रहनु पर्ने बेलामा असन्तुलित र अनावश्यक शक्ति प्रयोग गरेको वा भएको प्रति हाम्रो चिन्ता छ,” युरोपेली संघले भनेको छ ।
भेनेजुएलामा आइतबार सम्पन्न आम निर्वाचनमा भएको हिंसाका क्रममा दश व्यक्तिको मृत्यु भएको छ ।
राजनीतिक सङ्कट समाधान गर्नका लागि संविधान पुनर्लेखन गर्न भन्दै यहाँका राष्ट्रपतिले नयाँ शक्तिशाली निकायको भन्दै निर्वाचनको आह्वान गर्नुभएको थियो ।
यस निर्वाचनको क्रममा मारिएकामा एकजना सैनिक पनि परेका छन् । नयाँ संविधान सभाका लागि भन्दै गरिएको सो निर्वाचनमा उठेका एक उम्मेदवार, दुई प्रदर्शनकारी युवासमेत निर्वाचन हिंसामा परी मारिएका छन ।
भेनुजुएलाका प्रमुख निर्वाचन अधिकारीका अनुसार विपक्षीले बहिष्कार गरेको निर्वाचनमा ४१.५३ प्रतिशत मात्र भोट खसेको थियो ।
