टर्कीको मन्त्रिपरिषद्मा ११ मन्त्री फेरिने

टर्कीका प्रधानमन्त्री बिनाली यिल्डिरीम, तस्विरः एएफपी

अङ्कारा, ४ साउन । टर्कीका प्रधानमन्त्री बिनाली यिल्डिरीमले ११ मन्त्री फेर्ने बुधबार घोषणा गर्नुभएको छ ।

हालै २७ सदस्यीय मन्त्रीमण्डलबाट उहाँले ११ मन्त्री परिवर्तन गर्न लाग्नुभएको बताइएको छ ।

राष्ट्रपति रेसिप तायिप एर्डोगानसँगको आकस्मिक भेटवार्तापछि प्रधानमन्त्रीले मन्त्रिपरिषद् फेरबदल गर्ने घोषणा गर्नुभएको हो ।

नयाँ मन्त्रिपरिषद्मा पाँच जनालाई उपप्रधानमन्त्री बनाइएको छ । उपप्रधानमन्त्री हुनेहरूमा बेकिर बोज्डाग, मेहमेट सिम्सेक, फिक्रि इसिक, रिसिप अक्डाग र हाकान काभुसोग्लु रहनु भएको छ । उनीहरूमध्ये अहिले चार जनालाई मात्रै नियुक्त गर्नुभएको छ ।

स्थानीय समयानुसार बुधबार मध्याह्न १२ बजे राष्ट्रपति र प्रधानमन्त्रीबीच राजधानी अङ्कारामा रहेको राष्ट्रपति भवनमा आकस्मिक भेटवार्ता भएको थियो ।

प्रतिक्रिया

सम्बन्धित सामाग्री