मंगलबार, असोज १३ २०७७ | Tue, September 29, 2020
नेपालको समय: ०३:२९ | UK Time: 22:44

फिलिपिन्सका राष्ट्रपतिको सवारीमा आक्रमण

वीनेपाली
२०७४ साउन ४ गते ११:४२

फिलिपिन्सका राष्ट्रपति रोड्रिगो डुटेर्टे

मनिला, ४ साउन । फिलिपिन्सका राष्ट्रपति रोड्रिगो डुटेर्तेको सवारीमाथि बुधबार सशस्त्र हमला भएको समाचार छ ।

सो हमलामा परी उहाँका चार अङ्गरक्षक गम्भीर रुपमा घाइते भएका छन् । उहाँलाई नै लक्ष्यगरी सो हमला भएको हो ।

तर सो सवारीमा सुरक्षाको लावालस्करको निकै पछि उहाँ रहनुभएकोले ठूलो दुर्घटना टरेको समाचारमा जनाइएको छ । राष्ट्रपति डुटेर्ते पनि सोही सवारीमा रहनुभएको अनुमान गरी गोली चलाइएको थियो ।

गोली लागेर उहाँको सवारीका लागि खटेका सुरक्षाकर्मी घाइते भएका बताइएको छ । फिलिपिन्सका संदिग्ध कम्युनिष्ट विद्रोहीले सो हमला गरेको गृह मन्त्रालयले जानकारी दिएको छ ।

फिलिपिन्सको दक्षिणी मिन्डानाओ टापू नजिकको राजमार्गमा उहाँको सवारीका लागि ठूलो सङ्ख्याका सवारी खटाइएको थियो ।

तर हमलाकारीले भने राष्ट्रपति रहेको अनुमान गरी ती सवारीमध्येको एक सवारी साधनमा हमला गरेका थिए । गोली लागेर चार जना सुरक्षाकर्मी गम्भीर घाइते भएका छन् ।

फिलिपिन्समा विगत लामो समयदेखि सशस्त्र हिंसा मच्चाइरहेको कम्युनिष्ट विद्रोही समूहले हालैमात्र सरकारले सुरु गरेको सैनिक शासनको विरोध गरिरहेका थिए ।

सोही विरोधस्वरुप यो हमला गरिएको अनुमान फिलिपिन्सको सैनिकले गरेको छ । एकजना सैनिक जर्नेलले उक्त हमला कम्युनिष्ट बिद्रोहीले नै गरेको र सैनिक शासनको विरोधस्वरुप यो हमला गरिएको बताएका छन् ।

प्रतिक्रिया

सम्बन्धित सामाग्री

फेसबुक