शनिबार, असोज १० २०७७ | Sat, September 26, 2020
नेपालको समय: ०४:०४ | UK Time: 23:19

मलेसियामा आठ अभियन्तालाई नयां शक्तिमा स्वागत

वीनेपाली
२०७४ जेठ २९ गते ९:५४

क्वालालम्पुर । नयां शक्तिप्रति आस्था राख्ने मलेसियास्थित अभियन्ताहरुलाई अन्तर्राष्ट्रय नेपाली समाज मलेसियामा स्वागत गरिएको छ । ‘हाम्रो देश नेपाल हाम्रै पालामा समृद्ध पार्न सकिन्छ’ भन्ने विश्वासका साथ यस अभियानमा संगै अगाडि बढ्न चाहने आठ अभियन्तालाई स्वागत गरिएको हो । नव प्रवेशीमा सन्तोष गुरुङ, राजु गुरुङ, पितम गुरुङ, किङ गुरुङ, प्रशान्त शाह, पूर्ण बहादुर गुरुङ, बिक्रम तामाङ र बुद्ध लामा छन् । नयां अभियन्ताहरुलाई कार्यवहाक अध्यक्ष सुबर्ण थापाले दोसल्ला ओढाएर स्वागत गरेको अन्तर्राष्ट्रय नेपाली समाज मलेसियाका सचिव दिनेश खड्काले जानकारी दिए ।

यसैबीच, क्वालालम्पुर स्थित उग्रतारा रेस्टुरेन्टको सभाहलमा आइतबार सम्पन्न बैठकले नयां कोषाध्यक्ष पनि चयन गरिएको छ । पूर्ब कोषाध्यक्ष सुजन तामाङ नेपाल फर्किएपछि नयां कोषाध्यक्षमा जादु तामाङलाई सर्वसम्मत चयन गरिएको हो । पूर्ब कोषाध्यक्ष सुजन तामाङ र सदस्य रिबेक तामाङलाई 
संगठनमा पुरयाएको योगदानको उच्च कदर 
गर्दै विदाइ गरियो ।

नवनियुक्त कोषाध्यक्ष जादु तामाङले धन्यवादसहित पार्टी र संगठनको नीति, नियम र विधानलाई आत्मसात 
गर्दै आगामी दिनमा अझ सशक्त रुपमा पार्टी र संगठनलाई अगाडि बढाउने प्रतिवद्धता जनाएका छन् ।

प्रतिक्रिया

सम्बन्धित सामाग्री

फेसबुक