पलेटी बसेर यूकेमा पहिलोपटक नेवारी भोज

लन्डन । पासा पुच गुठी यूके साउथ इष्ट लन्डनले यूकेमा पहिलो पटक परम्परागत नेवारी भोज आयोजना गरेको छ । मुलग्रेभ स्कुल हल, उलवीचमा आइतबार परम्परागत नेवारी झो भ्वयमा ३२ परिकार र घरेलु आयला र थो समावेश गरिएको आयोजक पासा पुच गुठी साउथ इष्ट लन्डन यूकेका अध्यक्ष सुशील प्रजापतिले जनाए ।

भोजमा १२५ जना सहभागी थिए । धिमे बाजा प्रस्तुतिसंगै सहभागी चटामरी, समे बजी, बारा, छोयला, साग,
 सांधेको आलु, मुला चना, पंग क्वा, मिं क्वा, हांसको मासु आदि परिकार र घरमा बनाइएको नेवारी रक्सीमा रमाएका थिए ।

नेवारी संस्कृति र परम्परा जगेर्नाका लागि कार्यक्रम गरिएको आयोजकको भनाइ छ । उक्त अवसरमा विभिन्न नेवारी सांस्कृतिक प्रस्तुति समेत समावेश थियो ।

कार्यक्रम सफल बनाउन सहयोग गर्ने महासचिव नगेन्द्र श्रेष्ठ, संस्थापक अध्यक्ष कुमार श्रेष्ठ, अमर मल्ल, सुमन मल्ल, सत्यप्रसाद लगायतलाई अध्यक्ष सुशील प्रजापतिले धन्यवाद दिएका थिए ।