मंगलबार, असोज ६ २०७७ | Tue, September 22, 2020
नेपालको समय: ००:१५ | UK Time: 19:30

लक्ष्मी प्रतिष्ठान नेपालका अध्यक्ष गौतम बेलायतमा

वीनेपाली
२०७४ जेठ ६ गते १४:२९

लन्डन । लक्ष्मी प्रतिष्ठान नेपालका अध्यक्ष विष्णु गौतम शुक्रबार सांझ लन्डन आइपुगेका छन् । नेपलिज ब्रिटिश कम्युनिटी यूके (एनबिसी यूके) को निमन्त्रणामा गौतम बेलायत आएका हुन् । गौतमलाई हिथ्रो विमानस्थलमा कम्युनिटी अध्यक्ष मिलन घिमिरेसहितका पदाधिकारीले स्वागत गरेका थिए ।

करिब दुई साता बेलायत रहंदा गौतम विभिन्न कार्यक्रममा सहभागी हुनेछन् । उनी आइतबार २१ मेमा नेपाल पत्रकार महासंघ बेलायतको च्यारिटी कार्यक्रममा सहभागी भएर प्रेरणादायक मन्तव्य दिने कार्यक्रम छ । यही २२ देखि २६ मेसम्म स्कटल्याण्डको कार्यक्रममा सहभागी हुने गौतमसंग २७ मे शनिबार दिउसो एनबिसी यूकेले साउथ हयारोस्थित गोल्डनसिप रेस्टुरेन्टमा अन्तरक्रिया गर्न लागेको अध्यक्ष घिमिरेले जानकारी दिए । संस्थाले उक्त कार्यक्रममा सहभागी हुन सबैमा अनुरोध गरेको छ ।

परिवारमा आइलागेको अकल्पनीय बज्रपात बिर्सेर दृढ मनोवलका साथ प्रतिष्ठानमार्फत सामाजिक सेवामा लागेका गौतमले सञ्चालन गरेको लक्ष्मी प्रतिष्ठानले चितवन र काभ्रेमा थुप्रै सामाजिक र मानवीय काम गरिसकेको छ । प्रतिष्ठानले विद्यालयलाई जग्गा दान, विद्यालय तथा छात्रावास निर्माण, पुस्तकालय निर्माण, खानेपानी तथा शौचालय व्यवस्था, भूकम्प पीडितलाई बास, भोका नांगाहरूलाई गास अनि कपास, जीविकोपार्जनका लागि उद्यमशील कार्यक्रम सञ्चालन गर्दै आएको छ ।

गौतमले बेलायत भ्रमणका क्रममा आफ्नो प्रतिष्ठानले गरेका कामबारे जानकारी दिने र केही सहयोग आग्रह गर्ने अपेक्षा गरिएको छ ।

प्रतिक्रिया

सम्बन्धित सामाग्री

फेसबुक