बुद्धिस्ट कम्युनिटी सेन्टर लन्डनको बुद्ध जयन्ती


लन्डन । बुद्धिस्ट कम्युनिटी सेन्टर लन्डनले गत बुधबार १० मे मा 
२५६१ औं बुद्ध जयन्तीका अवसरमा वृहत कार्यक्रम गरेको छ । कार्यक्रममा बुद्ध जयन्तीको आतिथ्य र प्रार्थना एवं प्रवचनका निम्ति नेपालबाट रिन्पोचे टुल्कु लोसाङ आएका थिए भने बेलायतबाट लामा गुरु मिङमारले साथ दिए ।

कार्यक्रमको अध्यक्षता लन्डन च्याप्टरका अध्यक्ष गम्मर सिंह घलेले गरेका थिए । बुद्धको सन्देश विश्वभर फैलाइ अहिंसा र शान्तिलाई 
प्रवर्धन गर्न संस्था क्रियाशिल भएको घलेले बताए । लामा गुरुले मन्त्र पढेर शुरु भएको उक्त कार्यक्रममा गुरुले प्रार्थना, बुद्ध प्रवचन, धर्म सम्बन्धि जिज्ञासाको जवाफ दिएका थिए ।

उक्त अवसरमा लन्डनमा बौद्ध गुम्बा निर्माणका लागि आर्थिक सहयोग गर्नेहरुलाई खादा र प्रशंसा पत्रले सम्मान गरिएको थियो । गुम्बा निर्माणका लागि हालसम्म करिब ५५ हजार पाउण्ड आर्थिक संकलन भइसकेको बताइएको छ । बौद्ध परम्परा अनुसार आमा समूहले प्रार्थना भलम पढेका थिए भने गुरुको हातबाट वाङ लिएर कार्यक्रम समापन भएको थियो ।

कार्यक्रमको सञ्चालन संस्थाका महासचिव मोतीलाल तामाङ र आमा समूहकी महासचिव अन्तिम गुरुङले गरेका थिए । कार्यक्रम संयोजनमा आमा समूहकी अध्यक्ष कमला गुरुङ र उपाध्यक्ष पूर्णमाया गुरुङसहित कार्यसमिति पदाधिकारीहरुको सक्रिय सहभागिता थियो ।

प्रतिक्रिया

सम्बन्धित सामाग्री