लन्डन । ननिटन नेप्लिज कम्युनिटीले प्रिजनर्स असिस्टेन्स नेपाल (पिए नेपाल) की संस्थापक आमा इन्दिरा रानामगरलाई आर्थिक सहयोग
गर्ने भएका छन् । इन्दिरा रानामगर छोटो बेलायत भ्रमणमा रहेका बेला गत सप्ताहन्त आयोजित एक कार्यक्रममा कम्युनिटी पदाधिकारीले सहयोगको प्रतिवद्धता व्यक्त गरेका हुन् ।
कार्यक्रममा ननिटन नेप्लिज कम्युनिटीका महासचिव विनोद श्रेष्ठले इन्दिराले जेल परेका बाबु आमाका असहाय र अनाथ सन्तानलाई गरेको निस्वार्थ सेवाको प्रशंसा गर्दै कम्युनिटीले गर्दै आएको ‘स्पोन्सर’ लाई निरन्तरता दिने वाचा गरे ।
ब्रिटिस गोर्खा भेटेरान एसोसिएसनका अध्यक्ष ओम गुरुङले विगत जस्तै भविष्यमा पनि पिए नेपाललाई सहयोग जारी रहने बताए । कार्यक्रममा क्वीन्स् गोर्खा सिग्नलका गोर्खा मेजर ओम पुनले इन्दिरा रानामगरको कामप्रति चासो राख्दै सहयोगको प्रतिवद्धता व्यक्त गरे ।
कार्यक्रममा पूर्व मिस कार्निभल ननिटन रिन्जी लावतीले युनिभर्सिटीको एक वर्ष ‘ग्याप’ मा नेपाल गएर इन्दिराले संरक्षण दिएका वालवालिकाको सेवा गर्ने बताइन् ।
