मंगलबार, असोज ६ २०७७ | Tue, September 22, 2020
नेपालको समय: ११:२६ | UK Time: 06:41

लन्डनमा सामूहिक इही

वीनेपाली
२०७४ वैशाख २६ गते १९:३४

लन्डन । मतिना फाउन्डेसनले शनिबार सामूहिक इही कार्यक्रम गरेको छ । लन्डनस्थित गोल्डेनसीप रेष्टुरेन्टमा गत ६ मेमा इही गरिएको हो । कार्यक्रममा अमेरिकाबाट निम्त्याइएका एकजना नेवाः पण्डितले १२ वालिकाको नेवारी परम्परा र विधि अनुसार इही गरेको फाउण्डेसनका सदस्य नगेन्द्र श्रेष्ठले जानकारी दिए । बिहान ८ देखि अपरान्ह ५ बजेसम्म इही कार्यक्रम चलेको थियो । नेवारी संस्कारमा रजस्वाला हुनुअघि अनिवार्य इही गर्नुपर्छ । कार्यक्रममा करिब दुई सय अतिथी सहभागी थिए ।

फाउण्डेशनले गरेको यो दोश्रो सामूहिक इही हो । फाउण्डेशनले आगामी शुक्रबार गुफा (बाह्रा) गर्ने तयारी समेत गरेको छ । सहभागी न्यून भएपछि कायता भने नहुने श्रेष्ठले जनाए । नेवा परम्परा, संस्कृति र धर्मको सम्वर्धन तथा प्रचार प्रसारका लागि फाउण्डेसनले निरन्तर यस्तो कार्यक्रम गर्दै आएको छ ।

प्रतिक्रिया

सम्बन्धित सामाग्री

फेसबुक