दोहोरी कलाकार जुटाउंदै देव गुरुङ

देव गुरुङ

लन्डन । लन्डन साउथहयारोस्थित गोल्डेन सीप रेष्टुरेन्टका सञ्चालक देव गुरुङ एक जमाना फिल्म निर्माणमा बडो सक्रिय थिए । खासमा भूतपूर्व ब्रिटिश लाहुरे उनी । हलिउड कलाकार ज्याकी च्यानसंग मिल्लो जुल्दो अनुहारले धेरै उनलाई नेपाली ज्याकी च्यान भनेर पनि जिस्क्याउंछन् । फेरि फिल्म निर्माण गर्ने सोच बनाइरहंदा देवको अचेल नेपाली लोक दोहोरीसंग पनि साइनो गांसिएको छ । उनी प्रत्येक साता जस्तो नेपालका राष्ट्रिय कलाकार आफ्नो रेष्टुरेन्टमा बोलाएर कार्यक्रम गर्न सक्रिय छन् ।

यही सिलसिलामा उनले आगामी ५ मे शुक्रबार सांझ लोक दोहोरी कलाकारहरु गीता पाइजा र लाली बुढाथोकीलाई बोलाएर रेष्टुरेन्टमा कार्यक्रम गर्ने तयारी गरेका छन् । उक्त कार्यक्रममा सहभागी भएर रमाइलो गर्न देवको निम्तो छ ।

गत साता उनले लोक गायक गायिका राजु ढकाल, जानकी तारामी मगर र डान्सर रश्मी तामाङ बोलाएर जोडदार कार्यक्रम गरे । बीरु लामा, मधुसुदन थापा, जुना श्रीस मगर, धर्मेन्द्र सेवान, श्रेया सोताङ, बीग आइकन साजन आले, कुन्ती मोक्तान, धिरज राई, आनन्द कार्की जस्ता कलाकार र स्थानीय व्याण्डहरु दाजु भाइ, आवाज आदिलाई उनले निम्त्याइसकेका छन् ।

‘नेपालबाटै कलाकार झिकाउन सम्भव नभएपनि बेलायत आएका प्राय कलाकार बोलाएर कार्यक्रम गर्ने गरेको छु’, उनी भन्छन्, ‘नेपाली लोक दोहोरी गीतको प्रवर्धन र मनोरन्जन प्रदान गर्ने उद्देश्य पनि हो ।’

प्रतिक्रिया

सम्बन्धित सामाग्री