मंगलबार, असोज ६ २०७७ | Tue, September 22, 2020
नेपालको समय: १३:२८ | UK Time: 08:43

गीतकार घन थापाको ‘बयान’ र ‘बस्ती’ ७ मेमा सार्वजनिक हुँदै 

वीनेपाली
२०७४ वैशाख १६ गते २३:०३

लन्डन । गीतकार, कवि तथा समाजसेवी घनबहादुर थापा मगरका दुई एल्वम ‘बयान’ र ‘बस्ती’ ७ मेमा हकिन्ज कम्युनिटी हल, केन्टमा सार्वजनिक हुने भएको छ ।

विश्व नेपाली साहित्य महासंघ र नेपाली साहित्य विकास परिषद युकेको संयुक्त आयोजना तथा केन्ट मगर संघ, क्यान्टवरी नेपाली समाज र क्यान्टवरी नेपाली महिला समाजको सहयोगमा हुन लागेको एक कार्यक्रमबीच कृति विमोचनको तयारी छ ।

कार्यक्रममा निम्तालुलाई मात्र बोलाइएको छ ।

बेलायतका विशिष्ट ब्यक्तित्वहरुको उपस्थितिमा हुने सो कार्यक्रममा गायक शिव परियारले उक्त एल्वममा रहेका गीत ‘लाइभ’ गाउने छन् । साथै गीतकार थापाले समाज सेवामा गर्दै आएका कार्यहरुको छोटो डकुमेन्ट्री पनि देखाइने छ ।

‘बयान’मा राजकुमार बगरले संगीत दिएका छन् भने प्रसिद्ध कलाकारहरू रामकृष्ण ढकाल, स्वरूपराज आचार्य, प्रमोद खरेल, रामचन्द्र काफ्ले, सन्तोष लामा र प्रेयसी चेम्जोङले श्वर दिएका छन्

‘बस्ती’ मा डाक्टर किरातले संगीत दिएका छन् साथै कलाकारहरू शिव परियार, मेलिना राई, सरला राई, राज सिग्देल, मुन्ना गुरूङ, दुर्गा परियार, पवन थापा, तारा श्रीष र दीपा लामाको आवाज सुन्न सकिन्छ ।

दुवै एल्वमको निर्मात्री श्रीमती कृष्णा थापा मगर रहेकी छिन् । दुवै एल्वमलाई विन्ध्यवासिनी म्यूजिकका सुवास रेग्मी र लीना रेग्मीले बजारमा ल्याएका हुन्।

गीतकार थापाले कलाकारहरू, संगीतकारहरू, उत्पादक, भिडियो निर्देशक सबैलाई धन्यवाद दिएका छन् ।

गीतकार तथा समाजसेवी घन थापा मगरका कृति कविता संग्रह ‘देशको माटोमा मेरो फूल’ सन् २०१३ मा प्रकाशित गरेपछि क्रमशः ‘क्याक्मीको कोसेली’ कविता संग्रह, ‘मेरो चिनो मेरो देश’ कविता संग्रह र ‘मायाको संसार’ गीति एल्वम सार्वजनिक भइसकेका छन् । ती कृतिहरूबाट जुटेको रकमले थापाले नेपालमा शैक्षिक तथा सामाजिक क्षेत्रहरुमा सहयोग गरिसकेका छन् ।

 

प्रतिक्रिया

सम्बन्धित सामाग्री

फेसबुक