शनिबार, असोज ३ २०७७ | Sat, September 19, 2020
नेपालको समय: ०४:५९ | UK Time: 00:14

फ्रान्सको राष्ट्रपतिका लागि मतदान सुरु

वीनेपाली
२०७४ वैशाख १० गते ११:२८

तस्विरः एएफपी

पेरिस, १० बैशाख । फ्रान्सको नयाँ राष्ट्रपति चयनका लागि आइतबार पहिलो चरणको मतदान कार्य सुरु भएको छ ।

अहिले प्रतिश्पर्धामा रहेका ११ जना उम्मेदबारहरु मध्ये बढी मत ल्याउने २ जनाका बीचमा दोस्रो चरणको प्रतिश्पर्धा हुने छ । कसैले पनि स्पष्ट बहुमत ल्याउने नदेखिएकाले दोस्रो चरणको मतदान मे ७ तारिखका दिन गर्ने यसअघि नै तय भईसकेको छ ।

विभिन्न सर्वेक्षणहरुले न्याश्नल फ्रन्टकी नेतृ मारिने ले पेन र अर्का उम्मेदबार इमानुएल माक्रोनकाबीच प्रप्रतिस्पर्धा हुने देखाएका छन् ।

स्थानीय समय अनुसार विहान ८ बजे देखि बेलुका ८ बजे सम्म मतदानका लागि समय निर्धारण गरिएको छ । झण्डै ४ करोड ७० लाख नागरिकले मतदान गर्ने जनाइएको छ ।

निर्वाचनका लागि सवैतिर सुरक्षा व्यवस्था कडा बनाइएको अधिकारीहरुले बताएका छन् । मतदाताहरुको सुरक्षाका लागि करिब ५० हजार प्रहरी र ७ हजार सैनिक परिचालन गरिएको जनाइएको छ ।

प्रतिक्रिया

सम्बन्धित सामाग्री

फेसबुक