बुधबार, असोज १४ २०७७ | Wed, September 30, 2020
नेपालको समय: ०१:१८ | UK Time: 20:33

नया युवालाई ‘क्वीन्स अवार्डस’

वीनेपाली
२०७३ चैत २८ गते १:४३


लन्डन । बेलायतको रसमुर बरोमा क्रियाशिल नेपाली युवा सम्मिलित एउटा स्वयंसेवक संस्थाले समुदायको प्रतिष्ठित ‘क्वीन्स् अवार्ड २०१६’ प्राप्त गरेको छ । फार्नबोरो हयाम्पसायरस्थित भोलुन्टरी ग्रुप ‘नया युवा’ नामक संस्थाले समुदायमा स्वयंसेवा गरेवापत उक्त अवार्ड प्राप्त गरेको हो ।

स्थानीय बेलायती समुदायमा नेपाली युवालाई समायोजन गर्न र युवाहरुलाई हरेक समस्यामा साथ दिन क्रियाशिल उक्त संस्थाले सन् २०१० मा स्थापना भएयता आफूलाई स्वयंसेवामा निरन्तर समर्पित गर्दै आएको छ ।

नया युवाकी अध्यक्ष निलम राईले प्रतिष्ठित अवार्ड पाउनु आफ्ना स्वयंसेवकहरुका लागि गर्वको विषय भएको जनाउंदै सन् २०१० यता संस्थालाई सघाउने समुदाय, प्रायोजक, एजेन्सी र समस्त युवाहरुप्रति आभार व्यक्त गरिन् । उनले आगामी दिनमा पनि युवाहरुका साथ समायोजन र एकता अभिवृद्धिमा निरन्तर लाग्ने अठोट व्यक्त गरेकी छन् ।

संस्थाको बेलायती समुदायमा बेग्लै प्रतिष्ठा छ । नया युवाकी उपाध्यक्ष मिना पुन र सल्लाहकार शिला लिम्बुले गत वर्ष मे १९, २०१६ मा बकिंगहम प्यालेसमा आयोजित गार्डेन टि पार्टीमा महारानी र अवार्ड विजेतालाई दर्शनभेटको अवसर पाएका थिए ।

प्रतिक्रिया

सम्बन्धित सामाग्री

फेसबुक