मंगलबार, कार्तिक ११ २०७७ | Tue, October 27, 2020
नेपालको समय: ०३:१८ | UK Time: 21:33

बेलायतमा देखाईंदै ‘लप्पन छप्पन’

वीनेपाली
२०७३ चैत २२ गते १८:२४

लन्डन । अघिल्लो महिना बेलायतमा ‘लुट २’ प्रदर्शनताका नायकद्वय दयाहाङ राई र सौगात मल्लको जोडीलाई दर्शकले खुबै रुचाए । तिनै कलाकारको प्रतिक्षा गरिरहेका नेपाली दर्शकले उनीहरु अभिनित फिल्म फेरि हेर्न पाउने भएका छन् । दयाहाङ/सौगात अभिनित फिल्म ‘लप्पन छप्पन’ बेलायतभर प्रदर्शन हुन लागेको हो ।

३२ बक्स नामक एउटा समूहले प्रिन्सेल हल अल्डरसटमा आगामी ७ मे, आइतबार र हयारो सफारी सिनेमा हलमा १३ मे शनिवारका दिन फिल्म प्रदर्शन गर्दैछ । आयोजकमध्ये एक एलबीजेड गुरुङले बेलायतमा नेपाली चलचित्र प्रवर्धन र बजार विस्तारका लागि आफ्नो समूहले नियमित फिल्म प्रदर्शन गरिरहेको बताए ।

फिल्म २९ अप्रिलमा आसफोर्ड लगायत अन्य शहरमा समेत प्रदर्शन गर्ने तयारी छ । ३२ बक्स समूहमा एलबीजेड गुरुङ, दिपेश राई, प्रशान्त थापा, अभ्या कोइराला र ज्ञान गुरुङ छन् ।

सोही समूहमा आवद्ध युवाहरुले इन्फाका तर्फबाट यसअघि गाजलु, पुरानो डुंगा जस्ता फिल्म बेलायतको सिने वल्ड र भ्यू हलमा देखाएका थिए ।

प्रतिक्रिया

सम्बन्धित सामाग्री

फेसबुक