सोमबार, कार्तिक १० २०७७ | Mon, October 26, 2020
नेपालको समय: १३:४७ | UK Time: 08:02

पाकिस्तानी तिर्थस्थलमा २० को हत्या

वीनेपाली
२०७३ चैत २० गते १५:५१

इश्लामाबाद, २० चैत । पाकिस्तानको एक धार्मिकस्थलमा आइतबार विहान २० जनाको हत्या भएको छ भने अरु चार जना घाइते भएका छन् ।

पञ्जाव प्रदेशमा पर्ने मोहम्मद अलीको स्मृतिस्थलमा भएको घटनामा परी मृत्यु हुने २० जनामध्ये चार जना महिला रहेका छन् । स्मृतिस्थलका रक्षकसहित तीन जनालाई नियन्त्रणमा लिइएको छ ।

“स्मृतिस्थलका रक्षक ५० वर्षीय अब्दुल वाहीदले आफुलाई मार्न आएको ठानेर उनीहरुलाई नै मारिदिएको हुनसक्छ,” क्षेत्रीय प्रहरी प्रमुख जुल्फीकर हमिदले एएफपीलाई भन्नुभयो ।

उहाँले नियन्त्रणमा लिइएका व्यक्तीहरुमा मानसिक समस्या भएको पनि हुनसक्ने बताउँदै घटनाको बारेमा विस्तृत अनुसन्धान सुरु भइसकेको जानकारी दिनुभयो ।

पञ्जावका मुख्यमन्त्री शाहबाज सरिफले २४ घन्टाभित्रमा अनुसन्धान प्रतिवेदन पेश गर्न प्रहरीलाई निर्देशन दिनुभएको एक उच्च सरकारी अधिकारीले बताउनुभयो ।

घटना भएको ठाउँ पाकिस्तानमा निकै प्रशिद्ध र धेरै मान्छे जाने ठाउँका रुपमा चिनिन्छि ।

झरफुक गर्ने ठाउँहरुमा कहिले काही केही व्यक्तीहरुको हत्या पाकिस्तानमा बेला बेलामा हुनेगर्दछ, तर यस्तो धेरै जनाको एकैचोटी हत्या भने निकै कम मात्रै हुने गरेको थियो ।

पाकिस्तानका लाखौँ जनताले अहिले पनि झरफुकजस्ता रुढीबादी परम्परामा विश्वास राख्दछन् ।

प्रतिक्रिया

सम्बन्धित सामाग्री

फेसबुक