शुक्रबार, कार्तिक १४ २०७७ | Fri, October 30, 2020
नेपालको समय: ०७:०६ | UK Time: 01:21

साझा जोगाउन बेलायतमा साझा प्रकाशन साहित्यिक मञ्च गठन

वीनेपाली
२०७३ चैत १६ गते ९:५३


लन्डन । कमिसनका कारण आर्थिक संकट झेलिरहेको १०५ वर्ष पुरानो संस्था साझा प्रकाशन बचाउन बेलायतस्थित नेपाली श्रष्टा सक्रिय भएका छन् । साझा महाप्रवन्धक डोलेन्द्रप्रसाद शर्मा साक्षी राखेर बेलायतका नेपाली साहित्यानुरागीहरुले साझा प्रकाशन साहित्यिक मञ्च बेलायत गठन गरेका हुन् ।

लन्डनस्थित नेपाली दूतावासमा भएको छलफलपछि राजदूत दुर्गाबहादुर सुवेदी (दुबसु क्षेत्री) संरक्षक रहने गरि साहित्यकार बिकलचन्द्र आचार्यको संयोजकत्वमा मञ्च गठन गरिएको हो । उक्त मञ्चमा बेलायतमा रहेका प्रमुख नेपाली साहित्यिक संस्थाका प्रतिनिधि आवद्ध छन् ।

मञ्चका सदस्यहरुमा जयालक्ष्मी राई, सुरेशजंग शाह, विश्वासदीप तिगेला, सुमलकुमार गुरुङ, डा. रुपक श्रेष्ठ, सुमाया राई, भावना परिस्कृत सुनुवार, देबेन्द्र खेरेस, दुर्गाप्रसाद पोखरेल, डा. सोहन घिमिरे, लारा राई, गोपी सापकोटा र कृष्ण बजगाईं छन् ।

राजनीतिक खिचातानी, कमजोर व्यवस्थापन र बढ्दो ऋणभारले अस्तव्यस्त पुस्तक प्रकाशनको एकमात्र साहित्यिक सरकारी संस्थान अहिले संकटबाट गुज्रिरहेको छ । साझा प्रकाशनलाई सक्दो सहयोग गर्न आफू कटिवद्ध रहेको राजदूत सुवेदीले बताए । साझा प्रकाशन र बेलायती डायस्पोरामा रहेका नेपाली साहित्यकारबीच सम्बन्ध थप सुदृढ बनाउने र साझा प्रकाशनका लागि बेलायतमा वर्षमा एउटा वृहत च्यारिटी कार्यक्रम गर्ने योजना 
रहेको संयोजक आचार्यले सुनाए ।

सरकारी पहलमा इतिहासमै पहिलोपटक साझाका पुस्तक प्रदर्शनी गर्न लन्डन आएका महाप्रबन्धक शर्माले आफ्ना २६ बुंदे कार्ययोजनाबारे प्रष्टयाउंदै साझा प्रकाशनलाई सबै साहित्यिक मनहरुले अपनत्व महशुस गरिदिन आग्रह गरे । शर्माले अन्य देशमा पनि मञ्च गठन गरि साझालाई मजवुत बनाउने उद्देश्य 
राखिएको बताए ।

बेलायत अहिले नेपाली साहित्यका लागि उर्वर भूमि बन्दै गएको छ । हालैमात्र नेपाल बेलायत सम्बन्ध स्थापनाको दुई सय वर्षगांठ समापन समारोहमा बेलायतका १६३ जना नेपाली कवि कवयित्रीहरुको संगालो ‘बेलायतमा नेपाली कवि र कविता’ कृति सार्वजनिक गरिएको थियो ।

प्रतिक्रिया

सम्बन्धित सामाग्री

फेसबुक